સરકારની મહત્વાકાંક્ષી FAME ઇન્ડિયા સ્કીમના બીજા ફેઝમાં ઇલેક્ટ્રિક ટૂ-વ્હીલર્સનું વેચાણ વર્તમાન નાણાકીય વર્ષના પહેલા ક્વાર્ટરમાં 94 ટકા ઘટ્યું છે. આ નાણાકીય વર્ષની સાથે શરૂ થયેલ FAME-IIમાં એપ્રિલ-સપ્ટેમ્બર દરમિયાન કસ્ટમર્સે ઇન્સેટિવવાળા ટૂ-વ્હીલર્સની જગ્યાએ ઓછી સ્પીડના સસ્તા મોડલ ખરીદવાનું પસંદ કર્યું છે.
FAME ઇન્ડિયા સ્કીમના બીજા ફેઝમાં ઇલેક્ટ્રિક ટૂ-વ્હીલર્સનું વેચાણ ઘટ્યું
ઇલેક્ટ્રિક ટૂ-વ્હીલર્સનું વેચાણ વર્તમાન નાણાકીય વર્ષના પહેલા ક્વાર્ટરમાં 94 ટકા ઘટ્યું
ગ્રાહક સસ્તા લો- સ્પીડ વ્હીકલ્સ ખરીદી રહ્યા છે
ફાસ્ટર અડોપ્શન એન્ડ મેન્યૂફેક્ચરિંગ ઓફ ઇલેક્ટ્રિક વ્હીકલ્સ (FAME) હેઠળ સરકાર પર્યાવરણને નુકશાન નહીં પહોંચાડનારા ઇલેક્ટ્રિક વ્હીકલ્સને પ્રોત્સાહન આપી રહી છે.
SMEVના ડાયરેક્ટર જનરલ સોહિન્દર ગિલે જણાવ્યું, 'FAME-II હેઠળ ઇલેક્ટ્રિક ટૂ-વ્હીલર્સના વેચાણમાં મોટો ઘટાડો આવ્યો છે. બીજા ફેઝ દરમિયાન સબસિડીમાં ઘટાડો થયો છે. આ ઉપરાંત પ્રોડક્ટસ પર ઇન્સેટિવ આપવામાં આવી રહ્યું છે, તેની કિંમત વધારે છે. આ કારણે ગ્રાહક સસ્તા લો-સ્પીડ વ્હીકલ્સ ખરીદી રહ્યા છે.
આ ઇલેક્ટ્રિક ટૂ-વ્હીલર્સને મળે છે સબસિડી
FAME-II હેઠળ માત્ર 40 કિલોમીટર પ્રતિ કલાકની સ્પીડ અને પ્રતિ ચાર્જ 80 કિલોમીટરની રેન્જ વાળા ઇલેક્ટ્રિક ટૂ-વ્હીલર્સ પર સબસિડી આપવામાં આવી રહી છે. વધારે સ્પીડ અને ચાર્જીંગ ક્ષમતા વાળા વ્હીકલ્સમાં મોટી બેટરી લાગે છે. તેના કારણે તેની કિંમત પણ વધી જતી હોય છે.
ઓછી સ્પીડ વાળા ઇલેક્ટ્રિક ટૂ વ્હીલર્સની કિંમત 55-60 હજાર રૂપિયા છે, જ્યારે હાઇ સ્પીડ ટૂ વ્હીલર્સની પ્રાઇસ રેન્જ 75-80 હજાર રૂપિયા છે. આ ઉપરાંત સ્પીડ વાળા ઇ વ્હીકલ્સની બેટરીને ચાર વર્ષ બાદ ઉપયોગ માટે બદલવાનો ખર્ચ પણ 40-45 હજાર રૂપિયા છે. આ રકમ લો-સ્પીડ ટૂ વ્હીલર્સની બેટરીની રિપ્લેસમેન્ટ કોસ્ટથી બેગણી છે.
ઉદ્યોગના એક્સપર્ટ્સનું કહેવુ છે કે, ભારતીય કસ્ટમર કિંમત જોઇને ખરીદીનો નિર્ણય લે છે. આ કારણે ઓછી સ્પીડ વાળા ઇલેક્ટ્રિક ટૂ વ્હીલર્સનું વધારે ચલણ આવતા 4-5 વર્ષ સુધી યથાવત રહેવાનું છે.
ગત નાણાકીય વર્ષમાં લગભગ 1.26 લાખ ઇલેક્ટ્રિક ટૂ-વ્હીલર્સનું વેચાણ થયુ હતું. SMEVએ આ નાણાકીય વર્ષ માટે 2 લાખ યૂનિટના વેચાણનું અનુમાન આપ્યું હતું. જોકે, પોલિસીમાં બદલાવ થયા બાદ ડિમાન્ડ ઘટ્યા બાદ આ અનુમાન ઘટીને 1-1.10 લાખ યૂનિટ કરવામાં આવ્યું છે.