દેશની પહેલી ઇલેક્ટ્રિક ટૂ-વ્હીલર બનાવતી કંપની Okinawa Autotechએ તહેવારોની સિઝનમાં પોતાના નવા સ્કૂટર Okinawa Ridge+ને લોન્ચ કર્યુ છે. જેની દિલ્હી એક્સ શોરૂમની કિંમત 64988 રૂપિયા છે. Okinawaએ આ પહેલા ડિસેમ્બર 2017માં પ્રેઇઝ લોન્ચ કર્યુ હતુ.
Okinawa Ridge+ માં 800Wની વૉટરપ્રૂફ મોટર આપી છે. જેમાં રિમૂવેબલ બેટરી આપવામાં આવી છે. જેની મદદથી લોકો બેટરી નીકાળીને પોતાના ઘરમાં પણ ચાર્જ કરી શકે છે. કંપનીએ દાવો કર્યો છે કે સ્કૂટરને 120KM સુધી દોડાવી શકાશે એટલે કે 1 રૂપિયાની વિજળી ખર્ચમાં તમને તે 12 કિમીની અવરેજ મળશે. આ સ્કૂટરની ટૉપ સ્પીડ 55 કિમી પ્રતિ કલાક છે. કંપની અનુસાર આ સ્કૂટરની લોડિંગ કેપેસિટી 150 કેજી છે. અર્બન કન્ડિશન જોઇને આ સ્કૂટરને ડિઝાઇન કરવામાં આવ્યું છે.
Okinawa Ridge+ના હાઇટેક ફિચર્સ:
- આ સ્કૂટરમાં કારની જેમ સેન્ટ્રલ લોકિંગ સિસ્ટમ આપવામાં આવી છે.
- ચોરીથી બચવા માટે એન્ટી થેફ્ટ એલાર્ટ આપવામાં આવ્યું છે.
- સ્કૂટરને ચાવી વગર સ્ટાર્ટ કરી શકાય છે.
- ફ્રન્ટ અને રિયર વ્હીલમાં ડ્રમ બ્રેક ઇએબીએસ સાથે આપવામાં આવ્યા છે.
- જો ક્યારેય પણ સ્કૂટર ગુમ થઇ જાય તો રિમોટલી ટ્રેક થઇ શકે છે.
- આ સિવાય નવા સ્કૂટરમાં અલૉય વીલ ટ્યૂબલેસ ટાયર અને ટેલેસ્કોપિક સસ્પેશન મળશે.