Renault Kwid કંપનીની ભારતના માર્કેટમાં વેચવામાં આવતી બેસ્ટ સેલિંગ કાર છે. આ કારના ઇલેક્ટ્રિક વર્ઝનને પેશ કરવાની ચર્ચાઓ લાંબા સમયથી થઇ રહી હતી. હાલ ચીનના માર્કેટમાં આ કારને લૉન્ચ કરવામાં આવી છે. પરંતુ થોડાક જ સમયમાં ભારતમાં પણ લૉન્ચ થશે એવી ચર્ચા ચાલી રહી છે.
કંપની પોતાની નવી ફેસલિફ્ટ KWIDને પણ ભારતમાં લૉન્ચ કરવા જઇ રહી છે
આ એક ઇલેક્ટ્રિક કાર છે, પેટ્રોલની સરખામણીએ આ ઇલેક્ટ્રિક વર્ઝનમાં ઘણા નવા ફેરફાર
KWID City K-ZE ફુલ ચાર્જ પર 271 કિલોમીટરનું અંતર કાપશે
Renaultએ તાજેતરમાં જ પોતાની કોમ્પેક્ટ ટ્રાઇબરને ભારતમાં લૉન્ચ કરી છે અને હવે કંપની પોતાની નવી ફેસલિફ્ટ KWIDને પણ ભારતમાં લૉન્ચ કરવા જઇ રહી છે. આટલું જ નહીં કંપની KWIDનું ઇલેક્ટ્રિઝ વર્ઝન પણ ભારતમાં લઇને આવી રહી છે. એનાથી પહેલા આ મૉડલને કંપનીએ ચાઇનામાં લૉન્ચ કર્યું છે.
Renaultએ KWIDને ચાઇનામાં City K-ZE નામથી લૉન્ચ કરી છે. આ એક ઇલેક્ટ્રિક કાર છે. તમને જણાવી દઇએ કે પેટ્રોલની સરખામણીએ આ ઇલેક્ટ્રિક વર્ઝનમાં ઘણા નવા ફેરફાર કરવામાં આવ્યા છે. જેના કારણે પેટ્રોલ અને ઇવેક્ટ્રિક મૉડલમાં ફરક કરવામાં આવી શકે. ઇલેક્ટ્રિક KWID નો કોન્સેપ્ટ સૌથી પહેલા 2018માં શો-કેસ કરવામાં આવ્યો હતો.
કંપનીનો દાવો છે કે KWID City K-ZE ફુલ ચાર્જ પર 271 કિલોમીટરનું અંતર કાપશે. એમાં 26.8Wh લિથિયમ-આયન બેટરી પેક આપવામાં આવ્યું છે જે 43.3bhp અને 125Nm ટાર્ક આપે છે. કારને એ જ CMF-A પ્લેટફોર્મ પર બનાવવામાં આવી છે જે ભારતમાં વેચવામાં આવતી KWIDમાં પણ મળે છે. આ કારની ખાસિયત એની બેટરી અને નવી ઇલેક્ટ્રિક પૉવરટ્રેન છે.
KWID City K-ZE માઇલેજના હિસાબથી સારી છે, સાથે જ આ કારમાં ફાસ્ટ ચાર્જિંગની પણ સુવિધા મળે છે. આ કારની બેટરી AC અને DC ફાસ્ટ ચાર્જિંગ બંને સપોર્ટ કરે છે. એક DC ચાર્જર માત્ર 30 મીનિટમાં બેટરીને 30 ટકાથી 80 ટકા સુધી વધારી શકે છે. વાત ફીચર્સની કરીએ તો કારમાં 8 ઇંચ ટચસ્ક્રીમ ઇન્ફોટેનમેન્ટ સિસ્ટમ મળે છે. જેને તમે તમારા સ્માર્ટફોનથી કનેક્ટ કરી શકો છો. કિંમતની વાત કરીએ તો KWID City K-ZEના બેસ વેરિયન્ટને ચીનમાં 61,800 યુઆન રાખવામાં આવી છે કે જે ભારતના હિસાબથી આશરે 6.22 લાખ રૂપિયા છે. ભારતમાં એને જલ્દીથી લૉન્ચ કરવામાં આવી શકે છે પરંતુ એની કિંમત 10 લાખ રૂપિયાની આસપાસ આવી શકે છે.