આણંદ-ખંભાત વચ્ચે આજથી વિદ્યુત ટ્રેનને આજે સાંસદ તેમજ ધારાસભ્ય દ્વારા લીલીઝંડી આપી રવાનાં કરવામાં આવી હતી. ત્યારે ડેમું ટ્રેન શરૂ થતા આણંદથી ખંભાત વચ્ચે આવવા જવા માટેનો સમય ઘટશે.
આણંદ-ખંભાત વચ્ચે દોડશે વિદ્યુત સંચાલિત ટ્રેન
આણંદ-ખંભાત મેમુ ટ્રેનને બતાવવામાં આવી લીલીઝંડી
આણંદ રેલવે સ્ટેશનથી બતાવામાં આવી લીલીઝંડી
MP મિતેષ પટેલ અને MLA યોગેશ પટેલની ઉપસ્થિતિમાં ટ્રેનને લીલીઝંડી
આણંદ-ખંભાત વચ્ચે હવે વિદ્યુત સંચાલિત ટ્રેન દોડશે. આજથી આણંદ-ખંભાત વચ્ચે મેમું ટ્રેનને લીલીઝંડી આપી પ્રસ્થાન કરાવવામાં આવ્યું હતું. સાંસદ મિતેષ પટેલ અને ધારાસભ્ય યોગેશ પટેલની ઉપસ્થિતિમાં ટ્રેનને લીલીઝંડી આપી રવાનાં કરાઈ હતી. ત્યારે મેમુ ટ્રેન દિવસ દરમિયાન 5 રાઉન્ડ ચાલશે. ત્યારે મેમુ ટ્રેનનાં કારણે આણંદથી ખંભાત પહોંચવાનો સમય ઘટશે. આણંદ-ખંભાત વચ્ચે દરરોજ હજારો નાગરિકો મુસાફરી કરે છે.
ઈલેક્ટ્રીક મેમુ ટ્રેન દોડત મુસાફરીનાં સમયમાં પણ ઘટાડો થશે
આણંદ-ખંભાત વચ્ચે વિદ્યુત સંચાલિત ટ્રેન શરૂ થતા ખંભાતનાં વેપારી વર્ગને મોટો ફાયદો થશે. જેમાં વેપાર ધંધા અને નોકરી માટે વડોદરા, સુરત અને અમદાવાદ અપડાઉન કરતાં હોય છે. તે લોકોને મોટો ફાયદો થવાનો છે. આણંદ ખાતે પહોંચાડવામાં ડેમુ ટ્રેન દોઢ કલાકનો સમય લેતી હતી. જેથી અમદાવાદ, મુંબઈ કે વડોદરા તરફ જતી ટ્રેનનું કનેક્શન મળતું ન હતું. જેથી ટ્રેન ખાલી જતી હતી. ત્યારે ઈલેક્ટ્રીક મેમુ ટ્રેન દોડતા હવે મુસાફરોની સંખ્યામાં પણ વધારો થશે તેમજ આવવા જવાનાં સમયમાં પણ ઘટાડો થશે.