Hyundai પોતાની ઈલેક્ટ્રિક કાર પણ લોન્ચ કરશે. આ ઇલેક્ટ્રિક કાર કંપની આ વર્ષના જૂન મહિના પછી લોન્ચ કરી શકે છે.
21 મેના રોજ Hyundaiની મોસ્ટ અવેઇટેડ સબ-કોમ્પેક્ટ SUV કાર 'VENUE' લોન્ચ થવા જઈ રહી છે. 'VENUE' 21મેથી જ વેચાણ માટે પણ ઉપલબ્ધ થશે. 'VENUE'ની ટક્કર મારુતિ વિટારા બ્રેઝા, ટાટા નેક્સન, ફોર્ડ ઇકોસ્પોર્ટ અને મહિન્દ્રા XUV 3000 સાથે થશે.
Hyundaiની આગામી પ્રોજેક્ટમાં હેચબેક Grand i10 પણ સામેલ છે, જેને ફેસ્ટિવ સિઝનમાં લોન્ચ કરવામાં આવશે. આ ઉપરાંત, એલાન્ટ્રાનું ફેસલિફ્ટ વર્ઝન પણ ટૂંક સમયમાં લોન્ચ થવાનું છે. આ સાથે Hyundai પોતાની ઈલેક્ટ્રિક કાર પણ લોન્ચ કરશે. આ ઇલેક્ટ્રિક કાર કંપની આ વર્ષના જૂન મહિના પછી લોન્ચ કરી શકે છે. 'Kona' કારને Hyundaiએ વર્ષ 2018માં નવી દિલ્હીમાં થયેલા કોરિયન બિઝનેસ સમિટમાં પ્રદર્શિત કરી હતી.
60 મિનિટમાં થશે ચાર્જ:
આ કારમાં ભારતમાં લોઅર કેપેસિટીવાળી 39 kWh બેટરી લગાવવામાં આવશે. સિંગલ ચાર્જ પર આ બેટરી 350 કિમીનું અંતર કાપશે. તેમજ આ બેટરી ફાસ્ટ ચાર્જરથી માત્ર 60 મિનિટમાં જ ચાર્જ થઈ જશે.
સ્પીડ 155 કિમી પ્રતિ કલાક:
Hyundai 'Kona'ની ટોપ સ્પીડ પ્રતિ કલાક 155 કિમી હશે અને 0થી 100 કિમીની ઝડપ પકડવા માટે તે માત્ર 10 સેકન્ડ લેશે. જો આ કારનો પોઝિટિવ રિસ્પોન્સ આવશે તો તેને બહાર પણ એક્સપોર્ટ કરવાનો નિર્ણય લેવામાં આવી શકે છે. પ્રારંભિક તબક્કામાં 'Kona' કાર મર્યાદિત સંખ્યામાં જ બનાવવામાં આવશે. Hyundai 'Kona'ની એક્સ શો રૂમ કિંમત આશરે 25 લાખ રૂપિયા રહેશે.