સુપ્રીમ કોર્ટે તરત જ ચૂંટણી બોન્ડ યોજના પર પ્રતિબંધ મૂકવાનો ઇન્કાર કરી દીધો છે. કોર્ટે કેન્દ્ર સરકાર અને ચૂંટણી પંચને બે સપ્તાહમાં જવાબ દાખલ કરવા જણાવ્યું છે. એસોસિએશન ફોર ડેમોક્રેટિક રિફોર્મ્સ દ્વારા સુપ્રીમ કોર્ટમાં આ પીઆઈએલ દાખલ કરવામાં આવી હતી. ખરેખર તો આ યોજના રાજકીય પક્ષો દ્વારા ચૂંટણી લડવા માટે નાણાં એકત્રિત કરવા માટે લાવવામાં આવી હતી.
સુપ્રીમનો ચૂંટણી બોન્ડ યોજના પર પ્રતિબંધ મુકવાનો ઇન્કાર
કોર્ટે સરકાર અને ચૂંટણી પંચને બે સપ્તાહમાં જવાબ દાખલ કરવા જણાવ્યું
એનજીઓ એસોસિએશન ફોર ડેમોક્રેટિક રિફોર્મ્સે પોતાની અરજીમાં કહ્યું છે કે ફાઇનાન્સ એક્ટ, 2017 અને ફાઇનાન્સ એક્ટ, 2016 માં કેટલાક સુધારા કરવામાં આવ્યા હતા. આ બંને કાયદા મની બિલ તરીકે પસાર કરવામાં આવ્યા હતા. આ સુધારાઓથી વિદેશી કંપનીઓ તરફથી પણ અમર્યાદિત રાજકીય દાન માટે માર્ગ ખુલ્યો હતો.
અરજીમાં જણાવાયું હતું કે આવા સુધારાઓ મોટા પાયે ચૂંટણી ભ્રષ્ટાચારને કાયદેસર ઠેરવે છે. ફાઇનાન્સ એક્ટ, 2017 એ ચૂંટણી બોન્ડ્સ માટે પ્રદાન કરવામાં આવ્યું હતું. જેને પીપલ રિપ્રેઝન્ટેશન ઓફ પીપલ Act, 1951 હેઠળ જાહેર કરવામાંથી મુક્તિ આપવામાં આવી હતી અને આમ રાજકીય પક્ષો માટે નોંધણી વગરના અને અજાણ્યા સ્ત્રોતોથી નાણાં મેળવવાના દરવાજા ખુલી ગયા હતા.
ઉલ્લેખનીય છે કે આ અગાઉ 2 જાન્યુઆરી 2018માં ચૂંટણી બોન્ડ યોજનાને સૂચિત કરવામાં આવી હતી. તેની જોગવાઇ અનુસાર ચૂંટણી બોન્ડ કોઇપણ વ્યક્તિ ખરીદ કરી શકે છે જે ભારતનો નાગરિક હોય અથવા ભારતમાં તેનો વેપાર હોય.