મહેસાણા / ઊંઝા APMCની ચૂંટણીનું મતદાન પૂર્ણ, સોમવારે જાહેર થશે પરિણામ

ઉલ્લેખનીય છે કે, આ તરફ વેપારી વિભાગમાં 1631 મતદારોમાંથી 1535 મતદારોએ મતદાન કર્યુ છે. ત્યારે ઊંઝા એપીએમસીની ચૂંટણનું પરિણામ આવતીકાલે જાહેર થશે. મતગણતરીને લઈને આવતીકાલે માર્કેટ યાર્ડ બંધ રહેશે.

સવારે 9થી સાંજે 5 સુધી ચાલ્યું મતદાન

મહેસાણાની ઊંઝા APMCની આજે ચૂંટણી યોજાઇ હતી. આજે સવારે 9થી 5 વાગ્યા દરમિયાન મતદાન ઊંઝા APMC ખાતે યોજાયું હતું. આ ચૂંટણીમાં આશા પટેલ અને નારાયણ પટેલનું જૂથ ચૂંટણીના સામસામે છે. ભાજપ સામે ભાજપ જ APMC કબ્જે કરવા મેદાનમાં ઉતર્યું છે.

નારાયણ પટેલ અને આશા પટેલ જૂથ વચ્ચે જામ્યો રસાકસીનો જંગ
નારાયણ પટેલનું જૂથ વિશ્વાસ પેનલના નામથી ચૂંટણી જંગમાં છે ત્યારે આશા પટેલનું જૂથ વિકાસ પેનલના નામથી ચૂંટણી જંગમાં ઉતર્યું છે. આજે ચૂંટણીમાં ખેડૂત અને વેપારી વિભાગ માટે મતદાન થશે.

ખેડૂત વિભાગમાં 313 મતદાર અને વેપારી વિભાગમાં 1631 મતદાર મતદાન કરવાના હતા. જે પૈકી વેપારી વિભાગમાંથી 1631 મતદારોમાંથી 1535 મતદારોએ તથા ખેડૂત  વિભાગમાં કુલ 313 મતદાર સામે 311 મતદારોએ મતદાન કર્યું હતું.
 

મતદારોને સીધા ચૂંટણી સ્થળે લવાયા
ઊંઝા APMCની સત્તા હાંસલ કરવા બંને જૂથોએ મરણિયા પ્રયાસ કર્યા હતા. જે પૈકી ગૌરાંગ પટેલના જૂથે અંબાજીમાં કેમ્પ કર્યો હતો તો આ સાથે જ દિનેશ પટેલના જૂથે બહુચરાજી અને શંખલપુરમાં કેમ્પ કર્યો છે. અહીંથી મતદારોને આજરોજ સવારે સીધા જ મતદાન શરૂ થાય તે પહેલાં જ સીધા ચૂંટણી સ્થળે લાવવામાં આવ્યા હતા.