VIDEO: રાજ્યસભાની 58 બેઠકો માટે આવતીકાલે ચૂંટણી ગુજરાતની 4 બેઠકો પર પણ ચૂંટણી યોજાશે

ગાંધીનગર: રાજ્યસભાની 58 બેઠકો માટે આવતીકાલે ચૂંટણી યોજાવાની છે. જેને લઈને રાજકીય પક્ષોએ પણ તૈયારીઓ શરૂ કરી દીધી છે. 

16 રાજ્યની 58 બેઠકો પર રાજ્યસભાની ચૂંટણી યોજાવાની છે. જેમાં ગુજરાતની પણ 4 બેઠકો પર ચૂંટણી યોજાશે. જ્યારે ઉત્તરપ્રદેશમાં સૌથી વધુ 10 બેઠક પર રાજ્યસભાની ચૂંટણી યોજાનાર છે. ત્યારે ભાજપ રાજ્યસભામાં વધુમાં વધુ સભ્યોને મોકલવાની તૈયારીમાં લાગી ગયું છે.

ઉલ્લેખનીય છે કે રાજ્યસભામાં પણ બહુમતિનો આંકડો મેળવવા માટે ભાજપે પ્રયાસો હાથ ધર્યા છે. 58 બેઠકોમાંથી 10 રાજ્યની 33 બેઠક પર સભ્યો બિનહરીફ ચૂંટાયા છે. તેમાં પણ ગુજરાતની ચારેય બેઠકો બિનહરીફ થઈ છે. જ્યારે માત્ર 6 રાજ્યની 25 બેઠકો પર આવતીકાલે મતદાન યોજાશે.

ઉત્તરપ્રદેશમાં 10 બેઠકો પર 11 ઉમેદવારો મેદાનમાં છે. જેમાં ભાજપના 9 ઉમેદવારોએ રાજ્યસભાની ચૂંટણીમાં ઉમેદવારી નોંધાવી છે. સભ્ય સંખ્યા પ્રમાણે ભાજપની 8 બેઠક નક્કી છે. જ્યારે એક બેઠક સમાજવાદી પાર્ટીના ફાળે જઈ શકે છે. તો એક બેઠક પર ભાજપ અને વિપક્ષ વચ્ચે ટક્કર થઇ શકે છે.