ચૂંટણી / આચાર સંહિતાના ઉલ્લંઘનમાં ફસાઇ 'ડ્રીમગર્લ', રેલી યોજતા બની આ ઘટના

દિલ્હી: બોલીવૂડની ડ્રીમગર્લ અને ભાજપના નેતા હેમા માલિની વિરૂદ્ધ ચૂંટણી પંચે આચાર સંહિતા ભંગની ફરિયાદ દાખલ કરી છે. ચૂંટણી પંચે હેમા માલિની વિરૂદ્ધ એક રેલી યોજવાના મામલે આ ફરિયાદ દાખલ કરી છે. વાત એવી છે કે, મંગળવારે દિલ્હી-આગ્રા નેશનલ હાઈવે પર એક ગામમાં હેમા માલિનીએ ચૂંટણી રેલી યોજી હતી.
 
આ મામલે તેઓએ મંજૂરી લીધી નહીં. જેથી ચૂંટણી પંચે મંજૂરી વિના રેલી યોજવાના મામલે હેમા માલિની વિરૂદ્ધ મથુરા પોલીસ સ્ટેશનમાં ફરિયાદ દાખલ કરી છે. ગામના ઉપ જિલ્લા અધિકારી અને સહાયક ચૂંટણી અધિકારી આર.ડી.રામે ગામની માધ્યમિક વિદ્યાલયમાં મંજૂરી વિના રેલી યોજવાના મામલે ફરિયાદ દાખલ કરી છે. 
 
જિલ્લા ચૂંટણી અધિકારીએ જણાવ્યું કે, ભાજપના ઉમેદવાર અને ચૂંટણી સભાના આયોજક પંકજ શર્માએ ગામમાં સભા માટે મંજૂરી લીધી હતી. પરંતુ એ દિવસે વિદ્યાલયમાં ચાલુ શૈક્ષણિક કાર્ય દરમિયાન મંચ અને અન્ય વ્યવસ્થા કરીને સભાનું આયોજન કરવામાં આવ્યું હતું. જે સંપૂર્ણ રીતે આદર્શ ચૂંટણી સંહિતાનો ભંગ છે.