મધ્ય પ્રદેશમાં રસાકસીભર્યા જંગમાં વલણો દર્શાવી રહ્યા છે કોંગ્રેસની સ્પષ્ટ બહુમતી

નવી દિલ્હીઃ વિધાનસભા ચૂંટણીના વલણો શરૂ થયા છે વલણોનું ચિત્ર કેટલુંક સ્પષ્ટ થયું છે. મધ્ય પ્રદેશમાં આ સમયે સૌથી દિલચસ્પ જંગ જોવા મળી રહ્યો છે. વલણોમાં ક્યારેક કોંગ્રેસ આગળ રહ્યું તો ક્યારેક ભાજપ ટક્કર આપી છે. આ સમયે કોંગ્રેસના વલણોમાં બહુમતી મળી ગઇ હતી.

એકાએક ભાજપે વાપસી બાદ ફરી કોંગ્રેસ 115 બેઠકોથી આગળ રહી જ્યારે ભાજપ 106 બેઠકોથી આગળ રહી અને અન્ય 9 બેઠકોથી આગળ છે. મધ્ય પ્રદેશમાં કુલ 230 વિધાનસભા બેઠકો છે બહુમતી માટે 116 બેઠકોની જરૂરીયાત છે. ત્યારે કોંગ્રેસ 115 બેઠકોથી આગળ રહેતા સ્પષ્ટ બહુમતી જણાઇ રહી છે.

એગ્ઝિટ પોલમાં પણ મધ્ય પ્રદેશમાં ખરાખરીનો જંગ દેખાયો હતો જે હજુ પણ વલણોમાં જણાઇ રહ્યો છે. મધ્ય પ્રદેશમાં શિવરાજસિંહ ચૌહાણ 15 વર્ષથી સત્તા પર છે તેવામાં આ વખતે તેમને એન્ટી ઇન્કેંબંસીથી લડવાનો પડકાર હતો. મધ્ય પ્રદેશમાં રાજ્ય સરકારના કેટલાક મંત્રી પણ પોતાની બેઠકો પર હારતા દેખાઇ રહ્યા છે.