ચૂંટણી પરિણામ / મહાકવરેજ: આજે 5 રાજ્યોનો જનાદેશ, જુઓ સૌથી પહેલા અને સૌથી સચોટ પરિણામ

• પાંચ રાજ્યોની ચૂંટણીના પરિણામો
• પરિણામ સંબંધિત તમામ અપડેટ માટે અમારી સાથે જોડાઈ રહો
• લેટેસ્ટ વિગતો જાણવા વીટીવી ગુજરાતી જોતા રહો

ઉત્તર પ્રદેશ, ઉત્તરાખંડ, પંજાબ, ગોવા અને મણિપુરમાં થયેલી વિધાનસભા ચૂંટણીના પરિણામો ગુરૂવાર આવશે. પાંચ રાજ્યોમાં મતગણતરીને લઈને તમામ તૈયારીઓ લગભગ પુરી થઈ ગઈ છે. ગુરૂવાર સવારે 8 કલાકથી ચૂંટણીના પરિણમો આવવાના શરૂ થઈ જશે. સૌથી પહેલા પોસ્ટલ બેલેટની ગણતરી આવશે. ત્યાર બાદ ઈવીએમ ખોલવામાં આવશે. વિધાનસભા ચૂંટણીના પરિણામો આપ આપના મોબાઈલ ઉપરાંત વીટીવી ગુજરાતી વેબસાઈટ પર પણ ચેક કરી શકશો. આ ચૂંટણી પરિણામો આપ વીટીવી ન્યૂઝ ચેનલ પર પણ જોઈ શકશો.

ચૂંટણી પંચની સત્તાવાર વેબસાઈટ (https://results.eci.gov.in/) પર પાંચ રાજ્યો સાથે જોડાયેલ ચૂંટણી પરિણામોની દરેક વિગતો આપને મળી શકશે. વિધાનસભા ચૂંટણી 2022ના પરિણામ માટે General Assembly to Assembly Constituency March-22 લિંક પર ક્લિક કર્યા બાદ એક વિંડો ખુલશે, જ્યાં આપ રાજ્યવાર ચૂંટણીના પરિણામો ચેક કરી શકશો. અહીં આપ વિધાનસભા વાઈઝ સમગ્ર રિઝલ્ટની જાણકારી મળી જશે.

ચૂંટણી પંચના એપ પર પણ જોઈ શકશો રિઝલ્ટ

તો વળી પાર્ટીના હિસાબે લીડ અને જીત હારના આંકડા આ વેબસાઈટ દ્વારા આપને માલૂમ પડી જશે. 10 માર્ચે ચૂંટણી રિઝલ્ટ સવારે 8 વાગ્યાથી વીટીવીની ગુજરાતી વેબસાઈટ પર આપ નિહાળી શકશો. આ ઉપરાંત ચૂંટણી પંચના મોબાઈલ એપ વોટર હેલ્પલાઈન દ્વારા પણ ચૂંટણી પરિણામ સાથે જોડાયેલી લેટેસ્ટ અપડેટ આપ ચેક કરી શકશો.

ઉત્તર પ્રદેશ સહિત પાંચ રાજ્યોમાં વિધાનસભા ચૂંટણી માટે મતદાન સમાપ્ત થઈ ચુક્યુ છે. હાલમાં સૌ કોઈની નજર પાંચ રાજ્યોની ચૂંટણીના પરિણામો પર અટકેલી છે. એક્ઝિટ પોલમાં જણાવ્યા અનુસાર યુપીમાં ભાજપ અને પંજાબમાં આપ પાર્ટી પૂર્ણ બહુમતની સરકાર બનાવી રહી હોવાના તારણો આવ્યા હતા. જો કે, સાચા પરિણામ તો, 10 માર્ચે જ જોવા મળશે.

5 રાજ્યોની વિધાનસભા ચૂંટણીના પરિણામો આવશે

ઉત્તર પ્રદેશ, ઉત્તરાખંડ, પંજાબ, ગોવા અને મણિપુરમાં યોજાયેલી વિધાનસભા ચૂંટણીના પરિણામો ગુરુવારે સવારે 8 વાગ્યાથી શરૂ થશે. ઉત્તર પ્રદેશમાં 403 વિધાનસભા બેઠકો માટે સાત તબક્કામાં 10 ફેબ્રુઆરી, 14 ફેબ્રુઆરી, 20 ફેબ્રુઆરી, 23 ફેબ્રુઆરી, 27 ફેબ્રુઆરી, 3 માર્ચ અને 7 માર્ચે મતદાન થયું હતું. પંજાબમાં 117 વિધાનસભા બેઠકો માટે 20 ફેબ્રુઆરીએ એક જ તબક્કામાં મતદાન થયું હતું. ઉત્તરાખંડમાં 70 અને ગોવામાં 40 વિધાનસભા બેઠકો માટે 14 ફેબ્રુઆરીએ એક જ તબક્કામાં મતદાન થયું હતું. મણિપુરમાં 60 વિધાનસભા બેઠકો માટે બે તબક્કામાં મતદાન થયું હતું.

તમામ મતગણતરી કેન્દ્રો પર વિડિયો અને સ્ટેટિક કેમેરા લગાવવામાં આવ્યા છે અને ત્યાં મીડિયા સેન્ટર પણ ઉભા કરવામાં આવ્યા છે. મતગણતરીને ધ્યાનમાં રાખીને મતગણતરી કેન્દ્રો પર ચુસ્ત બંદોબસ્ત ગોઠવી દેવામાં આવ્યો છે.