રાજકોટમાં આજે ચેમ્બર ઓફ કોમર્સની ચૂંટણીનું આયોજન કરવામાં આવ્યું છે. સાંજના 6 વાગ્યા સુધી આ ચૂંટણી માટે મતદાન થશે. સૌરાષ્ટ્ર હાઈસ્કૂલ ખાતે મતદાનનું આયોજન પણ કરવામાં આવ્યું છે. ચેમ્બર ઓફ કોમર્સમાં કુલ 4 હજાર 592 મતદારો છે.
વી.પી.વૈષ્ણવની વાયબ્રન્ટ પેનલ દ્વારા ઉમેદવારોની યાદી જાહેર કરવામા આવી છે. વી.પી.વૈષ્ણવની 24 ઉમેદવારની યાદી જાહેર કરવામાં આવી છે. આ સાથે જ વાયબ્રન્ટ પેનલ દ્વારા એજન્ડા પણ રજૂ કરવામાં આવ્યો છે.
આ એજન્ડામાં અલગ અલગ 11 મુદ્દાનો સમાવેશ કરવામાં આવ્યો છે.. આ એજન્ડામાં વેપાર ઉદ્યોગને લગતા મહત્વના મુદ્દાઓના નિકાલનો સમાવેશ કરવામાં આવ્યો છે. જો કે એક મળતાં અહેવાલ મુજબ વાયબ્રન્ટ પેનલને ગુજરાત સરકાર એટલે ભાજપનો સહકાર છે.