ઑફર / નવા પ્રધાનમંત્રીનું નામ જણાવો અને મેળવો કેશબેક

લોકસભા ચૂંટણી 2019ના પરિણામો 23 મી મે ના રોજ આવવાના છે. આ પહેલા જ એક્ઝિટ પોલે એવું સ્પષ્ટ કરી દીધું છે કે કેન્દ્રમાં એક વખત ફરીથી મોદીના નેતૃત્વમાં એનડીએ સરકાર બનવા જઇ રહી છે. પરંતુ વિપક્ષ પણ રાજકીય ગણિતમાં લાગેલી છે. આ વચ્ચે ઑનલાઇન ફૂડ ડિલીવરી  પ્લેટફૉર્મ Zomato એ સામાન્ય જનતાને ભવિષ્ય વાળી કરવા પર ઇનામ આપવાની જાહેરાત કરી છે. 

Zomato એ ગ્રાહકોને 23 મે ના રોજ થનારી મતગણતરી પહેલા દેશના આગળના પ્રધાનમંત્રી માટે ભવિષ્યવાણી કરવા અને ફૂડ ઓર્ડર કરવા પર કેશબેક જીતવાની તક આપવામાં આવી રહી છે. 
કંપની તરફથી જારી એક નિવેદનમાં કહેવામાં આવ્યું  છે કે 'ઝોમેટો ઇલેક્શન લીગ'ની આ ઑફરમાં દેશના આગળના પ્રધાનમંત્રીના નામની સટીક ભવિષ્યવાણી કરનાર ગ્રાહકોને કેશબેક મળશે. 

કંપનીએ આ પહેલા ઝોમેટો પ્રિમીયર લીગ (ઝેડીપીએલ) ના માધ્યમથી ગ્રાહકોને ઇન્ડિયન પ્રીમિયર લીગ (આઈપીએલ) ની વિજેતા ટીમની આગાહી કરનારને કેશબેક આપ્યું હતુ. જો કે, @ @iN3IL નામના ટ્વીટર હેન્ડલે ઝોમેટોની આ ઓફર પર ખુશી જાહેર કરતા તેમની આગાહી ટ્વીટ કરી.

કંપનીએ જણાવ્યું છે કે ગ્રાહકોને દરેક ઓર્ડર પર 40% ડિસ્કાઉન્ટ આપવામાં આવશે અને જો તેમની આગાહી સાચી સાબિત થાય, તો તેમને 30% કેશબેક મળશે. 22 મી મે સુધી તમે આ ઓફરનો લાભ લઈ શકો છો અને ઓર્ડર કરવા પર દરેક સાચી આગાહી માટે કેશબેક મેળવી શકાય છે. કંપનીએ જણાવ્યું હતું કે દેશમાં નવા વડાપ્રધાનની પસંદગી થશે ત્યારે ગ્રાહકોના વૉલેટમાં ઓટોમેટિક કેશબેક આવી જશે. કંપનીએ કહ્યું કે અત્યાર સુધીમાં 250 શહેરોમાંથી 3,20,000 લોકોએ આ કેશબેક ઓફરમાં ભાગ લીધો છે.