Election Commission / UP ચૂંટણી : વૃદ્ધો અને દિવ્યાંગો માટે ઘરેથી વોટ આપવાની હશે સુવિધા, 5 જાન્યુ. બાદ તારીખો થશે જાહેર

• ચૂંટણી પાંચની પ્રેસ કોન્ફરન્સ 
• આવતા વર્ષે 5 રાજ્યોમાં ચૂંટણી 
• રાજકીય પક્ષોના સૂચન 

Election commission દ્વારા આજે ગુરુવારે એક મહત્વની પ્રેસ કોન્ફરન્સ બોલાવવામાં આવી હતી. જેમાં ચૂંટણીઓને લઈને મહત્વની જાહેરાત કરવાનો મુદ્દો હતો. 

આવતા વર્ષે થનાર વિધાનસભા ચૂંટણીઓ વિષે વાત કરવામાં આવી હતી. ઇલેક્શન કમિશન દ્વારા કહેવામાં આવ્યું હતું કે ઉત્તરપ્રદેશના તમામ પક્ષોએ તેઓને સમયાનુસાર ચૂંટણી યોજવા માટે વિનંતી કરી છે. 

એક તરફ કોરોનાના કેસ વધી રહ્યા છે. બીજી તરફ ઓમિક્રોનણો ખતરો વધી રહ્યો છે. એવામાં ઉત્તરપ્રદેશ સહિતના રાજ્યોમાં ચૂંટણી યોજવી કપરો નિણર્ય કહેવાય પણ હવે એ સ્પષ્ટ થઈ ગયું છે કે ઉત્તરપ્રદેશમાં ચૂંટણી તો આવતા વર્ષે જ થશે. અને ચૂંટણી થોડા સમય માટે રદ કરવામાં નહીં આવે. 

61% voter turnout was recorded in 2017 UP assembly elections. In 2019 Lok Sabha elections, voter turnout in UP was 59%. It a matter of worry why voting percentage is less in the state where there is high political awareness among people: CEC Sushil Chandra pic.twitter.com/jhpCfvHMUT

— ANI UP/Uttarakhand (@ANINewsUP) December 30, 2021

આવતા વર્ષની શરૂઆતમાં આ પાંચ વિધાનસભાઓમાં ચૂંટણી છે. 

1) ઉત્તરપ્રદેશ 
2) ગોવા 
3) પંજાબ 
4) ઉત્તરાખંડ 
5) મણિપુર 

લખનૌમાં થયેલ ઇલેક્શન કમિશનની પ્રેસ કોન્ફરન્સમાં સુશીલ ચંદ્રા દ્વારા એવા કેટલાક નિર્દેશો વિષે પણ જણાવાયું હતું કે જે રાજકીય પક્ષોએ તેઓને આપ્યા હતા. 

રાજકીય પક્ષોના સૂચન 
1) કોવિડ પ્રોટોકોલ સાથે જ ચૂંટણી યોજાય, એવી તમામ પક્ષોએ માંગ કરી હતી 
2) રેલીઓની સંખ્યા અને તેમાં લોકોની સંખ્યા પણ સીમિત રાખવામાં આવે 
3) દિવ્યાંગઓ અને 80 વર્ષથી વધુ ઉમરના વડીલોને મતદાન માટે ઘરેથી જ મતદાન કરવાની તક મળે 

મતદાર યાદી 5 જાન્યુઆરીએ થશે જાહેર 
ચૂંટણી પંચે કહ્યું કે મતદાર નોંધણીનો કાર્યક્રમ પણ ચાલી રહ્યો છે. ઘણી મહેનત બાદ તે તૈયાર થશે અને 5 જાન્યુઆરીએ અંતિમ મતદાર યાદી પ્રસિદ્ધ કરવામાં આવશે.

અત્યાર સુધીમાં 15 કરોડથી વધુ મતદારો નોંધાયેલા છે.  જેમાં 23.9 લાખ પુરૂષ અને 28.8 લાખ મહિલા મતદારો છે. 52.8 લાખ નવા મતદારો ઉમેરાયા છે. તેમાંથી 19.89 લાખ યુવા મતદારો એટલે કે તેમની ઉંમર 18-19 વર્ષની છે. ચૂંટણી પંચે કહ્યું કે 2017માં લિંગ ગુણોત્તર 839 હતો એટલે કે 1000 પુરૂષો પર 839 મહિલા મતદારો હતા. આ વખતે તે વધીને 868 થયો છે. હાલમાં ઉત્તર પ્રદેશમાં 10 લાખ 64 હજાર 267 દિવ્યાંગ મતદારો છે.

800 મહિલા મતદાન મથકો 
આ વખતે ઓછામાં ઓછા 800 મહિલા મતદાન મથકો બનાવવામાં આવશે જ્યાં માત્ર મહિલા મતદાન અધિકારીઓ હશે. EPIC કાર્ડ સિવાય મતદાર અન્ય 11 દસ્તાવેજો બતાવીને પોતાનો મત આપી શકે છે. જેમાં પાન કાર્ડ, આધાર કાર્ડ, મનરેગા કાર્ડ જેવા દસ્તાવેજોનો સમાવેશ થાય છે.

ચૂંટણી પંચે દિવ્યાંગો અને 80 વર્ષથી વધુ ઉમરના વડીલોને મતદાન માટે ઘરેથી જ મતદાન કરવાની છૂટ આપી હતી. આ ઉપરાંત 400 મોડલ પોલિંગ બુથ અને દરેક બુથ પર EVM રાખવામાં અવશે તેવી જાહેરાત ચૂંટણી પંચ દ્વારા કરવામાં આવી હતી. 

સરવાળે આ જાહેરાતો મુખ્ય 

1. 80 વર્ષથી વધુ ઉમરના વડીલોને મતદાન માટે ઘરેથી જ મતદાન કરવાની છૂટ
2. 400 મોડલ પોલિંગ બુથ બનશે 
3. દરેક બુથ પર EVM
4. 800 મહિલા મતદાન મથકો
5. 5 જાન્યુઆરીએ અંતિમ મતદાર યાદી પ્રસિદ્ધ થશે 
6. આ વખતે મતદાનનો સમય પણ વધશે