કોરોના વાયરસની મહામારીને જોતા 26 માર્ચે યોજાનારી રાજ્યસભાની ચૂંટણીને ટાળી દેવામાં આવી છે. સમાચાર એજન્સી એએઆઇ મુજબ, કોરોના વાયરસ (Coronavirus) વધી રહેલા સંક્રમણને પગલે ચૂંટણી પંચે રાજ્યસભા ચૂંટણીને ટાળવામાં આવી છે. જોકે, નવી તારીખોનું એલાન કરવામાં આવ્યું નથી.
એવી સંભાવના દર્શાવાઇ રહી હતી કે સાવચેતી દર્શાવતા રાજ્યસભા ચૂંટણી પહેલાથી જ નિર્ધારિત કાર્યક્રમ મુજબ 26 માર્ચે જ યોજાશે. પરંતુ હવે એ સ્પષ્ટ થઇ ગયું છે કે 26 માર્ચે યોજાનારી રાજ્યસભા ચૂંટણી નક્કી સમય પર નથી થાય. એવા આશા પણ રાખવામાં આવી રહી હતી કે ચૂંટણી દરમિયાન માસ્ક અને સેનિટાઇઝર આપવામાં આવશે.
18 બેઠકો પર થવાનું છે મતદાન
17 રાજ્યોની 55 બેઠકો માટે 26 માર્ચે મતદાન થવાનું છે. પરંતુ 18 માર્ચે નામ પાછુ લેવા માટે નિર્ધારિત સમયમર્યાદા બાદ 37 ઉમેદવારો બિન હરીફ ચૂંટાયા છે. હવે 18 બેઠકો પર જ મતદાન યોજાશે. આ બેઠકો ગુજરાત, મધ્યપ્રદેશ, આંધ્ર પ્રદેશ, રાજસ્થાન અને ઝારખંડ છે.
નોંધનીય છે કે ધારાસભ્યોને ચૂંટણી પંચના પ્રિસાઇડિંગ ઓફિસરની હાજરીમાં પાર્ટીના અધિકૃત એજન્ટને બતાવતા ઓપન બેલેટ પેપર પર પોતાનો વોટ નાંઘવાનો હોય છે. તમામ રાજ્ય ચૂંટણીની તૈયારીમાં લાગ્યા છે.
આ રાજ્યોમાં થશે ચૂંટણી
17 રાજ્યોમાં પણ રાજ્યસભા ચૂંટણી થવાની છે. જેમા મહારાષ્ટ્ર, ઓરિસ્સા, તમિલનાડુ, પ.બંગાળ, આંધ્રપ્રદેશ, તેલંગાણા, બિહાર, ઝારખંડ, રાજસ્થાન, ગુજરાત, મણિપુર, આસામ, છત્તીસગઢ, હરિયાણા, મધ્યપ્રદેશ અને હિમાચલ પ્રદેશની બેઠકો પર ચૂંટણી યોજાશે.