આચારસંહિતા / PM મોદીની બાયોપિક આ તારીખ પછી રિલીઝ થાય તેવી શક્યતા

પ્રધાનમંત્રી મોદીની બાયોપિક પર બેન મામલે આજે ચૂંટણી પંચે સુપ્રીમ કોર્ટમાં પોતાનો જવાબ રજૂ કર્યો હતો. ફિલ્મ પર લગાવેલા બેનને લઈને ચૂંટણીપંચે કહ્યું કે, હાલ દેશમાં લોકસભા ચૂંટણીનો માહોલ છે. જેથી માહોલને જોતા આ ફિલ્મ પર રોક લગાવવી જરૂરી છે.

કારણ કે, ફિલ્મ એક રાજનીતિક વ્યક્તિના જીવન પર આધારિત છે. અને ફિલ્મમાં માત્ર રાજકીય વ્યક્તિના સકારાત્મક પાસા જ બતાવવામાં આવ્યા છે. જેથી આ ફિલ્મ રિલીઝ થાય તો તેની અસર મતદારો પર પડી શકે છે.

જેથી આ ફિલ્મ પર રોક જરૂરી છે. જોકે આ સમગ્ર મામલે વધુ સુનાવણી આગામી 26 એપ્રિલે હાથ ધરવામાં આવશે. અહીં આપને એ પણ જણાવી દઈએ કે, માત્ર પ્રધાનમંત્રીની બાયોપિક પર જ નહીં પરંતુ વેબ સિરીઝ પર પણ ચૂંટણીપંચ દ્વારા બેન લગાવવામાં આવ્યો છે.

ફિલ્મને મળ્યું છે યૂ સર્ટિફિકેટ
ફિલ્મની રિલીઝ પર પ્રતિબંધ લગાવવાનો નિર્ણય એવાં સમય પર આવ્યો છે કે જ્યારે એક દિવસ પહેલાં જ સેન્સર બોર્ડ દ્વારા આને યૂ સર્ટિફિકેટ મળ્યું છે. મંગળવારનાં રોજ ફિલ્મને યૂ સર્ટિફિકેટ મળ્યું હતું અને જ્યારે આ સુનિશ્ચિત કરવાનું નિર્માતાઓનાં હાથમાં હતું કે તે આને પૂર્વ નિર્ધારિત તારીખ પર રિલીઝ કરવી કે નહીં.

લોકસભા ચૂંટણીની જીદમાં પૂરા દેશમાં આદર્શ આચારસંહિતા લાગુ છે ત્યારે એવામાં ફિલ્મ પર પ્રતિબંધ લગાવવા માટે સુપ્રીમ કોર્ટમાં કોંગ્રેસ કાર્યકર્તાએ અરજી દાખલ કરી હતી. જેનાં પર મંગળવારનાં રોજ સુનાવણી કરતા કોર્ટે અરજીને નકારી કાઢી હતી.