પાર્ટીઓનો વિકાસ / ભાજપ અને કોંગ્રેસને બે વર્ષમાં દાનમાં મળેલી રકમનો આંકડો સાંભળશો તો કાન ફાટી જશે

• ભાજપની આવકમાં થયો વધારો 
• કોંગ્રેસની આવકમાં થયો 361 ટકાનો વધારો 
• ચૂંટણી પંચને સોંપેલ ઓડિટ રિપોર્ટમાં થયો ખુલાસો 

ભારતીય જનતા પાર્ટીની ગત 2 વર્ષમાં આવક વધી છે. ભાજપ દ્વારા ચૂંટણી પંચને સોંપવામાં આવેલ 2018-19ના ઓડિટ રિપોર્ટ જણાવવામાં આવ્યું છે કે, 2018-19માં ભાજપની કુલ આવક 2,410 કરોડ રૂપિયા થઇ છે. જ્યારે વર્ષ 2017-18માં ભાજપની આવક 1,027 કરોડ રૂપિયાથી 134 ટકા વધારે છે. 

કોંગ્રેસની વાત કરીએ તો કોંગ્રેસની આવકમાં 361 ટકાનો વધારો થયો છે. કોંગ્રેસ દ્વારા ચૂંટણી પંચને સોંપવામાં આવેલ ઓડિટ રિપોર્ટમાં 2018-19માં 918 કરોડ રૂપિયાની આવક થઇ જે એક વર્ષ પહેલા 199 કરોડ હતી. આ સાથે જ કોંગ્રેસ 2019-20 દરમિયાન  470 રૂપિયાનો ખર્ચ કર્યો હોવાની વાતનો ઉલ્લેખ પણ કર્યો છે. 

ટાઇમ્સ ઓફ ઇન્ડિયામાં પ્રસિદ્ધ થયો અહેવાલ 

ટાઇમ્સ ઓફ ઇન્ડિયામાં પ્રસિદ્ધ થયેલ અહેવાલ મુજબ કોંગ્રેસને ઇલેક્ટ્રોરલ બોન્ડ્સ દ્વારા 383 રૂપિયા મળ્યા જે 2017-18માં 5 કરોડ રૂપિયાથી વધારે છે. 

1450 કરોડ રૂપિયાના ચૂંટણી બોન્ડ્સ

ભાજપે ચૂંટણી પંચને જણાવ્યું કે, 2,410 કરોડ રૂપિયામાંથી 1450 કરોડ રૂપિયાના ચૂંટણી બોન્ડ્સથી મળ્યા છે. 2017-18માં ભાજપને ઇલેક્ટ્રોરલ બોન્ડસથી 210 કરોડ રૂપિયાની આવક જણાવી હતી. 

1,005 કરોડ રૂપિયાનો કર્યો ખર્ચ

આ તરફ ભાજપે ચૂંટણી પંચને જણાવ્યું હતું કે, 2018-19 માં 1,005 કરોડ રૂપિયાનો ખર્ચ કર્યો હતો. જે 2017-18માં થયેલ 758 કરોડ રૂપિયાના ખર્ચમાં 32 ટકા વધારે છે.