ચૂંટણી પંચના નિયમોનું પાલન નહીં કરનારી દેશની લગભગ 253 જેટલી નાની નાની પાર્ટીને નિષ્ક્રિય કરી દીધી છે.
ચૂંટણી પંચની મોટી કાર્યવાહી
ચૂંટણી પંચના નિયમોનું પાલન નહીં કરનારી પાર્ટી પર એક્શન લેવાઈ
દેશમાંથી 253 જેટલી પાર્ટીને નિષ્ક્રિય કરી દીધી
ચૂંટણી પંચના નિયમોનું પાલન નહીં કરનારી દેશની લગભગ 253 જેટલી નાની નાની પાર્ટીને નિષ્ક્રિય કરી દીધી છે. જે નાના દળને નિષ્ક્રિય કર્યા છે, તેમાંથી કેટલાય રાજ્યોમાં ચૂંટણી લડતી પાર્ટીઓનો પણ સમાવેશ થાય છે. તેને લઈને બિહાર, યુપી, કર્ણાટક, મહારાષ્ટ્ર, તમિલનાડૂ, તેલંગણા અને દિલ્હીના મુખ્ય ચૂંટણી અધિકારીઓના રિપોર્ટના આધાર પર આ પાર્ટીને નિષ્ક્રિય કરવામાં આવી છે. તેની સાથે જ 86 નાની પાર્ટીઓને ચૂંટણી પંચે રાજકીય પાર્ટીઓની યાદીમાંથી હટાવી દીધી છે.
કહેવાય છે કે, ભારતીય ચૂંટણી પંચે લાંબા સમયથી આ રાજકીય પાર્ટીઓની જાણકારી એકઠી કરી રહ્યું હતું, જે ચૂંટણી ચિન્હ મળ્યા બાદ સક્રિય દેખાતી નહોતી. તેની સાથે ચૂંટણી પંચે બિહાર, યુપી, કર્ણાટક, મહારાષ્ટ્ર, તમિલનાડૂ, તેલંગણા અને દિલ્હીના મુખ્ય ચૂંટણી અધિકારીઓ પાસેથી ડિટેલ રિપોર્ટ તૈયાર કરાવ્યો હતો. આ રિપોર્ટના આધાર પર આ પાર્ટીઓને નિષ્ક્રિય કરવામા આવી છે. કહેવાય છે કે, 253 દળને ચૂંટણી પંચે નોટિસ મોકલી હતી. નાના દળોએ ચૂંટણી પંચની નોટિસનો જવાબ આપ્યો નહોતો.
ECI declares 253 RUPPs as inactive - bars them from availing benefits of the Symbol Order,1968; Additional 86 Non-existent RUPPs shall be deleted from the list; Action against these 339, takes the tally to 537 defaulting RUPPs since May25, 2022 @PIB_Indiahttps://t.co/QV3ZwV6Xif
ચૂંટણી પંચના નિયમોનું પાલન નહીં કરવા અને નોટિસનો જવાબ નહીં આપવા પર કાર્યવાહી થઈ છે. પ્રાપ્ત વિગતો અનુસાર જોઈએ તો, ચૂંટણી પંચમાંથી મંજૂરી મળ્યા બાદ ચૂંટણી ચિન્હ સાથે જોડાયેલી શરતોનું પાલન કરવું ફરજિયાત છે. દેશના કેટલાય રાજ્યોમાં નાના નાના દળ તેનું પાલન કરતા નથી. નિયમોનું પાલન નહીં કરવા પર 253 પાર્ટીઓને નિષ્ક્રિય કરી દીધી છે.
રાજકીય પાર્ટીઓની યાદીમાંથી હટાવ્યા
આ એ જ પાર્ટીઓ છે, જે છેલ્લી કેટલીય ચૂંટણીઓ લડી નથી. તેમના દ્વારા કોઈ ઉમેદવાર મેદાનમાં ઉતારવામાં આવતો નહોતો. તેને લઈને ચૂંટણી પંચે કાર્યવાહી કરી છે. તેની સાથે જ 86 નાના નાના દળના નામ પણ હટાવી દીધા છે.