નિયંત્રણ / કોરોના સંકટ વધતા રેલીઓ અને રોડ શો પર પ્રતિબંધને લઇને ચૂંટણીપંચનો મોટો નિર્ણય

• ચૂંટણીપંચે રેલી-રોડ શો પર પ્રતિબંધને લંબાવ્યો
• હવે 22 જાન્યુઆરી સુધી રહેશે ડિજિટલ પ્રચાર
• આ પહેલા 15 જાન્યુઆરી સુધી પ્રતિબંધ હતો

ચૂંટણીપંચે રોડ શો અને રેલી જેવી રાજકીય ગતિવિધીઓ પર પ્રતિબંધ 22 જાન્યુઆરી સુધી પ્રતિબંધ વધાર્યો છે. આ પહેલા 15 જાન્યુઆરી સુધી પ્રતિબંધ લગાવ્યો હતો.

ચૂંટણીપંચ 22 જાન્યુઆરીએ ફરી સ્થિતિની સમીક્ષા કરશે, ત્યાં સુધી રાજકીય પક્ષોએ ડિજિટલ પ્રચાર કરવો પડશે. ચૂંટણી પંચે કહ્યું કે, ઇનડોર સભાગૃહોની ક્ષમતાથી વધુ લોકોની સભા કરી શકાશે, પરંતુ વધુમાં વધુ 300 લોકો જ હાજર રહી શકશે.

રાજકીય પક્ષોને અપીલ કરવામાં આવી છે કે તેઓ કોવિડ ગાઇડલાઇનનું પાલન કરે. રાજ્ય અને જિલ્લા આયોગ અધિકારીને કડક સૂચના આપવામાં આવી છે કે, કોવિડ ગાઇડલાઇનને ધ્યાન રાખતા તમામ રાજકીય પક્ષના નેતાઓ, કાર્યકર્તાઓ અને જનતાની ગતિવિધિઓ પર ચાંપતી નજર રાખે. ત્યારે, ઓબ્ઝર્વર્સને કહેવામાં આવ્યું છે કે, તૈયાર રહો અને જનતાની નજરોમાં રહો, જેથી જનતાને જાણ થાય કે તેના પર તેમની નજર છે.