ચૂંટણી / VIDEO: મતદાન દરમિયાન મેનકા ગાંધી- મહાગઠબંધન ઉમેદવાર સોનૂ સિંહ વચ્ચે ઉગ્ર દલીલ

લોકસભા ચૂંટણીના છઠ્ઠા ચરણ (LOk Sabha Election 6th Phase) હેઠળ રવિવારે દેશના સાત રાજ્યોની 59 સીટ પર મતદાન યોજાઇ રહ્યું છે. આ દરમિયાન કેન્દ્રીય મંત્રી અને સુલ્તાનપુરથી બીજેપી ઉમેદવાર મેનકા ગાંધી અને મહાગઠબંધનના ઉમેદવાર સોનૂ સિંહ વચ્ચે ઉગ્ર દલીલો જોવા મળી. સમાચાર એજન્સી એએનઆઇએ એક વીડિયો જાહેર કર્યો છે, જેમાં મેનકા ગાંધીએ મહાગઠબંધનના ઉમેદવાર સોનૂ સિંહના સમર્થકો પર મતદારોને ધમકાવવાનો આરોપ લગાવ્યો છે. 

એએનઆઇ મુજબ, મેનકા ગાંધીએ આરોપ લગાવ્યો કે સોનૂ સિંહના સમર્થક મતદારોને ધમકાવી રહ્યા હતા. આ વીડિયોમાં સોનૂ સિંહના સમર્થક ઉગ્ર નજરે પડી રહ્યા છે. જેમને સોનૂ સિંહ સમજાવવો પ્રયાસ કરતા જોવા મળી રહ્યા છે. પહેલા મેનકા ગાંધી સોનૂ સિંહ સાથે વાત કરતા નજરે પડી રહી છે. બાદમાં સોનૂ સિંહ પોતાના સમર્થકોને હટાવવા અને સમજાવવાની કોશિશ કરવા લાગે છે. જેથી માહોલ બગડતો નથી. 

#WATCH: Minor argument between Union Minister and BJP's candidate from Sultanpur Maneka Gandhi and Mahagathbandhan candidate Sonu Singh after Gandhi alleged that Singh's supporters were threatening voters. #LokSabhaElections #Phase6 pic.twitter.com/l2Pn1yCRVO

— ANI UP (@ANINewsUP) May 12, 2019

લોકસભા ચૂંટણીના છઠ્ઠા ચરણ હેઠળ યૂપી, બિહાર, પશ્ચિમ બંગાળ જેવા રાજ્યોમાં મતદાન થઇ રહ્યા છે. જેમા કેન્દ્રીય મંત્રી રાધામોહન સિંહ, હર્ષવર્ધન અને મેનકા ગાંધી, સપા પ્રમુખ અખિલેશ યાદવ અને કોંગ્રેસ નેતાઓ દિગ્વિજય સિંહ તતા જ્યોતિરાદિત્ય સિંધિયાની કિસ્મતનો નિર્ણય થશે. 

લોકસભા ચૂંટણઈના છઠ્ઠા ચરણને ભાજપ માટે મહત્વપૂર્ણ માનવામાં આવી રહી છે. કેમકે 2014ની ચૂંટણીમાં ભાજપે 45 સીટ જીતી હતી. જ્યારે તૃણમૂલ કોંગ્રેસે 8, કોંગ્રેસે 2 અને સપા અને લોજપાને 1-1 સીટ મળી હતી.