નાગપુરમાં એક દાદા સાઈકલ પર ફક્ત 20 રૂપિયામાં પૌંઆ, ચણા અને ચેવડો વેચી રહ્યાં છે. આવો એક વીડિયો સોશિયલ મીડિયામાં વાયરલ થઇ રહ્યો છે.
નાગપુરમાં એક દાદા સાઈકલ પર ફક્ત 20 રૂપિયામાં વેચે છે પૌંઆ
નાગપુરના ગાંધીબાગ અને ઇતવારીની શેરીઓમાં વેચે છે પૌંઆ
ખૂબ જ મુશ્કેલી, દવાનો ખર્ચ પૂરો કરવા વેચે છે પૌંઆ
દાદા 6 થી 8 વાગ્યા સુધી નાશ્તો વેચે છે
જયંતીભાઈ નામના આ 70 વર્ષીય દાદા નાગપુરના ગાંધીબાગ અને ઇતવારીની શેરીઓમાં સાંજે 6 થી 8 વાગ્યા સુધી નાશ્તો વેચે છે. આ વીડિયોને બ્લોગર અભિનવ જેસવાનીએ ઈન્સ્ટાગ્રામ પર શેર કર્યો છે. જે લોકોનું દિલ જીતી રહ્યો છે. વીડિયોમાં તમે જોઈ શકો છો કે એક દાદા પોતાની સાઈકલ લઇને રસ્તા પર ફરી રહ્યાં છે. પૌંઆ, ચણા અને ચેવડો બનાવવાના દરેક સામાનને સાઈકલની પાછળ બાંધેલી એક નાની ટોકરીમાં રાખેલો છે. દાદા લોકોને અખબારની પ્લેટમાં પૌંઆ નાખી નાશ્તાની ડીશ આપે છે. તમે વીડિયોમાં જોઈ શકો છો કે આ ડીશમાં દાદા થોડો ચેવડો, ચણાની સાથે ગ્રેવી નાખીને આપે છે. તો છેલ્લે દાદા એક પ્રેમભરી સ્માઈલ આપીને લોકોના હૃદયને પિગડાવી નાખે છે.
પૌંઆ વેચ્યા બાદ દાદા મહાજનવાડી જાય છે. જ્યાં તેઓ સિક્યોરિટી ગાર્ડ તરીકે કામ કરે છે. દાદા પોતાની દવાનો ખર્ચ અને રોજબરોજના ખર્ચને પૂરા કરવા માટે પૌંઆ વેચે છે. પોસ્ટની કેપ્શનમાં લખ્યું છે, 70 વર્ષીય જયંતીભાઈ અદભૂત પૌંઆ, ચણા, ચેવડો માત્ર 20 રૂપિયામાં વેચે છે. તેઓ ગાંધીબાગ અને ઇતવારીની શેરીઓમાં સાંજે 6 થી 8 વાગ્યા સુધી વેચે છે. પોસ્ટ કર્યા બાદ આ વીડિયોને અત્યાર સુધી અંદાજે 6 લાખથી વધુ વખત જોવામાં આવ્યો છે.