પશ્ચિમ બંગાળના એક વૃદ્ધ દાદાએ પોતાનો 100મો જન્મ દિવસ ઉજવવા માટે પત્ની સાથે ફરીથી લગ્ન કર્યા. આ આત્મીય અહેસાસ કરાવવાનો વિચાર બાળકો અને પૌત્ર-પૌત્રીઓનો હતો.
વૃદ્ધ દાદાએ પોતાનો 100મો જન્મ દિવસ ઉજવવા કર્યુ અનોખુ કામ
100મો જન્મ દિવસ ઉજવવા માટે પત્ની સાથે ફરીથી કર્યા લગ્ન
બાળકો અને પૌત્ર-પૌત્રીઓએ ધામધૂમપૂર્વક કરાયા લગ્ન
69 વર્ષ પહેલા થયા હતા વૃદ્ધ દંપત્તિના લગ્ન
મુર્શિદાબાદ જિલ્લામાં રહેતા વિશ્વનાથ સરકારે બુધવારે પોતાની 90 વર્ષીય પત્ની સુરોધવાની સાથે એક ભવ્ય વિવાહ કર્યા. વૃદ્ધ દંપત્તિની વહૂ ગીતા સરકારે જણાવ્યું, પુનર્વિવાહનો વિચાર ત્યારે આવ્યો જ્યારે મેં થોડા મહિના પહેલા સોશિયલ મીડિયામાં આવી તસ્વીરો જોઈ. ત્યારબાદ મે પરિવારના અન્ય સભ્યો સાથે આ વિચાર શેર કર્યો. પછી બધાએ મારું સમર્થન કર્યુ. આ દંપત્તિના લગ્ન 1953માં થયા હતા. દંપત્તિના બાળકો, પૌત્ર-પૌત્રીઓ જે બીજા રાજ્યમાં રહે છે, તેઓ લગ્ન માટે ગામમાં આવ્યા હતા.વૃદ્ધ દંપત્તિના બાળકોમાંથી એક પિન્ટો મોન્ડોલે કહ્યું, કન્યા વરરાજાના પરિવારમાં આવે છે. તેથી અમે તે મુજબ યોજના બનાવી છે. ભલે અમારા દાદા-દાદી જિયાગંજના બેનિયાપુકુર ગામમાં રહે છે. અમારા પૂર્વજોનું ઘર બામુનિયા ગામમાં છે, જે લગભગ પાંચ કિમી દૂર છે. મારી દાદીને બે દિવસ પહેલા ત્યાં લઇ જવામાં આવ્યાં હતા.
100 વર્ષની ઉંમરે લગ્ન કરવાનો બનાવવામાં આવ્યો પ્લાન
પૌત્ર-પૌત્રીઓએ 90 વર્ષની કન્યાને તૈયાર થવામાં મદદ કરી. જ્યારે પૌત્રએ 100 વર્ષના વરરાજાને તૈયાર કર્યા. વિશ્વનાથ સરકાર બુધવારે પત્નીને ઘરે લાવવા માટે ઘોડાગાડી પર જઇને બમુનિયા ગયા હતા. વરરાજા આવતા જ આતશબાજી કરવામાં આવી. વરરાજાએ ધોતી-કુર્તો પહેર્યો હતો. જ્યારે કન્યાને સાડીમાં સજાવવામાં આવી હતી. દંપત્તિએ કરન્સી નોટોથી બનેલી માળાઓની આપલે કરી. આ પ્રસંગે વૃદ્ધ દાદાએ કહ્યું, મારા બાળકોએ એક ભવ્ય રાત્રિ ભોજનની વ્યવસ્થા કરી છે. ભોજન સમારંભમાં પરિવારના પાડોશીઓને બોલાવવામાં આવ્યાં હતા.