અમદાવાદના રહીશ એક વૃદ્ધ દંપતીએ વીડિયોના માધ્યમથી ક્રિકેટર ઈરફાન પઠાણનું નામ લઈ હેરાનગતીનો કર્યો આક્ષપે, દંપતીએ આત્મહત્યાની ચીમકી પણ ઉચ્ચારી
અમદાવાદના નિવૃત્ત ASI દ્વારા આત્મહત્યાની ધમકીનો મામલો
પુત્રવધૂએ સાસુ-સસરા સામે નોંધાવી ફરિયાદ
પારિવારિક ઝઘડામાં ક્રિકેટર ઈરફાન પઠાણનું નામ ઉછળ્યું
અમદાવાદના જુહાપુરા વિસ્તારમાં રહેતા વૃદ્ધ દંપતીએ આત્મહત્યાની ધમકી આપતો વીડિયો બનાવ્યો છે. હાલમાં વાઈરલ થયેલા આ વીડિયોમાં વૃદ્ધ દંપતીએ આક્ષેપ કર્યો છે કે, તેમની પુત્રવધૂના ક્રિકેટર ઇરફાન પઠાણ સાથે સંબંધ છે અને તેના લીધે તેમને પરેશાન કરવામાં આવી રહ્યા છે. આ કારણે વૃદ્ધ દંપતી આત્મહત્યા કરવા માગે છે.
જો કે, આ સમગ્ર ઘટના અંગે ઝોન-7ના DCPએ કહ્યું કે, જે મહિલા પર આક્ષેપ છે તે ઈરફાન પઠાણની સ્વજન છે. તેમજ અગાઉથી જ પરીવારમાં ઝઘડો ચાલે છે અને આ મહિલાએ તેના સાસરિયા પર દહેજનો કેસ કરેલો છે. આમ છતાં પોલીસે વીડિયો બાબતે તપાસના આદેશ આપ્યા છે. અને પોલીસે વીડિયો બનાવનાર વૃદ્ધ દંપતી અને તેમના પુત્રની ધરપકડ કરી છે. પુત્રવધૂએ દહેજ ઉત્પીડનનો ઈપીકોની કલમ 498 હેઠળનો કેસ કર્યો છે.
ઇબ્રાહિમભાઈ પોતે ગુજરાત પોલીસમાંથી નિવૃત્ત થયેલા છે. જ્યારે તેઓની તવક્કલ હોટલ જુહાપુરા રોડ પર આવેલી છે. તેમના દીકરાના લગ્ન ક્રિકેટર ઇરફાન પઠાણની પરિચીત યુવતી સાથે થયા હતા. હવે આ જ પરિચય સામે ગંભીર આક્ષેપો કરતો વીડિયો બનાવીને ઈબ્રાહિમભાઈએ વાયરલ કર્યો છે. હાલ નિવૃત્ત ASIની પુત્રવધૂએ વેજલપુર પોલીસમાં સાસુ-સસારા સામે ફરિયાદ નોંધાવી છે. જેને લઇ વેજલપુરે બંનેની અટકાયત કરી અને જામીન પર મુક્ત કર્યા છે. સમગ્ર મામલે પોલીસ તપાસ કરી રહી છે.