મધ્ય પ્રદેશના શિવપુરી જિલ્લામાં 56 વર્ષના એક વૃદ્ધ એકાઉન્ટન્ટની સાથે હનીટ્રેપનો મામલો સામે આવ્યો છે. એકાઉન્ટન્ટને 19 વર્ષની યુવતીએ પહેલા પ્રેમજાળમાં ફસાવ્યો અને ફોન પર અશ્લિલ વાતો કરી. જ્યારે આ મામલો આગળ વધ્યો તો બે યુવતીએ એકાઉન્ટન્ટને મળવા માટે રૂમમાં બોલાવ્યો અને પછી પ્લાનિંગ હેઠળ સાથીઓની મદદથી તેનો અશ્લિલ વીડિયો પણ બનાવ્યો.
મધ્ય પ્રદેશના શિવપુરીમાં વૃદ્ધ એકાઉન્ટન્ટની સાથે હનીટ્રેપ
યુવતીએ પહેલા પ્રેમજાળમાં ફસાવ્યો અને પછી કરી અશ્લિલ વાતો
ન્યૂડ વીડિયો વાયરલ કરવાની ધમકી આપીને 5 લાખની કરી માગ
ન્યૂડ વીડિયો વાયરલ કરવાની ધમકી આપી કરી રૂપિયાની માંગ
યુવતીએ એકાઉન્ટન્ટનો ન્યૂડ વીડિયો વાયરલ કરવાની ધમકી આપીને 5 લાખ રૂપિયાની માગ કરી છે. એકાઉન્ટન્ટે યુવતીને લગભગ 2 થી 3 લાખ રૂપિયા પણ આપ્યા હતા. તેમ છતાં યુવતી દ્વારા સતત બ્લેકમેલિંગ કરાતુ હોવાથી પરેશાન થયેલા એકાઉન્ટન્ટે પોલીસ સ્ટેશનમાં ફરિયાદ કરી. ત્યારબાદ પોલીસે યુવતી અને તેના બે સાથીઓની ધરપકડ કરી છે. જો કે, ગેંગની મહિલા સરગના મંજૂ અને અન્ય એક સાથી હજી પણ ફરાર છે.
યુવતી રૂમ પર બોલાવી કરવા લાગી અશ્લિલ હરકતો
લુધાબલીની રહેવાસી 19 વર્ષની ફિજા ખાને પહેલા મોબાઈલ પર કોલ કરી એકાઉન્ટન્ટ સાથે વાતચીત કરી અને પછી બંને વચ્ચે મિત્રતા થઈ. થોડા સમય બાદ બંને અશ્લિલ વાતચીત કરવા લાગ્યા. એકાઉન્ટન્ટના જાળમાં ફસાતા જ ફિજાએ તેને એકલામાં મળવાની ઈચ્છા દર્શાવી અને પછી વૃદ્ધ એકાઉન્ટન્ટને ફતેહપુર લાલમાટી વિસ્તારમાં રૂમમાં બોલાવ્યો. રૂમમાં યુવતી એકાઉન્ટન્ટ સાથે અશ્લિલ હરકતો કરવા માંડી. આ દરમ્યાન ત્યાં છૂપાયેલા તેના સાથીઓએ વીડિયો બનાવી દીધો.
એકાઉન્ટન્ટે યુવતીથી કંટાળીને ભર્યુ આ પગલું
એકાઉન્ટન્ટ યુવતી સાથે મળ્યાં બાદ હજી પોતાના ઘરે પણ પહોંચ્યો નહતો. તેની પહેલા યુવતીનો ફોન આવ્યો અને 5 લાખ રૂપિયાની માંગ કરી. યુવતીએ એકાઉન્ટન્ટને કહ્યું કે મારી પાસે ન્યૂડ વીડિયો છે. જો પૈસા ના આપ્યાં તો હું તેને વાયરલ કરી દઈશ. ત્યારબાદ એકાઉન્ટન્ટે પોતાની પ્રતિષ્ઠા બચાવવા માટે 2 લાખ રૂપિયા આપ્યા. પરંતુ તેમ છતાં પણ યુવતી તેને સતત બ્લેકમેલ કરતી હતી. યુવતીથી કંટાળીને એકાઉન્ટન્ટ પોલીસ પાસે પહોંચી ગયો. આ ષડયંત્રમાં યુવતીની સાથે દેવેન્દ્ર કુશવાહ, મનીષ, મંજૂ નામની મહિલા અને અન્ય એક યુવક પણ સામેલ હતો.