ગુડ ન્યૂઝ / PM Kisan Yojana માં ખેડૂતોને જે જોઈતું હતું તે મળી ગયું, મોદી સરકારે કર્યું એલાન

• PM Kisan E-kyc માટે નવી  તારીખ થઇ જાહેર 
• પ્રધાનમંત્રી સન્માન નિધિ યોજનાનો લાભ લેવા માટે PM Kisan E-kyc કરાવવું જરૂરી 
• જાણો ઓનલાઈન કેવી રીતે કરી શકાશે PM Kisan E-kyc

હવે 31 જુલાઈ E KYC કરવા માટેની છેલ્લી તારીખ 
PM Kisan E KYC કરવાની પહેલા તારીખ 31 માર્ચ 2022 હતી, જેને વધારીને 31 મે 2022 કરવામાં આવી હતી. જે હવે ફરીથી વધારીને 31 જુલાઈ 2022 કરવામાં આવી છે. એટલે કે આ તારીખ બીજી વાર બદલવામાં આવી છે. ખેડૂતો ઘરે બેઠા KYC કરી શકે તે માટે PM Kisan E KYC OTP Link Active કરવામાં આવેલ છે. એટલા માટે ખડૂતોએ આ લાભ મેળવવાનું ચાલુ રાખવા માટે ઈ કેવાયસી કરવું પડશે. 

PM Kisan E-kyc માટેની લિંક 

દેશના તમામ ખેડૂતોને આર્થિક મદદ આપવા માટે વિવિધ સરકારી યોજનાઓ ચાલે છે. જેમ કે PM Kisan, કિસાન ક્રેડિટ કાર્ડ, ખેડૂત પેન્શન યોજના વગેરે. હાલમાં પ્રધાનમંત્રી સન્માન નિધિ યોજનામાં એક નવી જાહેરાત કરવામાં આવી છે. નવી જાહેરાત મુજબ દેશના તમામ ખેડૂતોને PM Kisan e-KYC કરવું પડશે. 

ભારત સરકારના Department of Agriculture and Farmers Welfare દ્વારા PM Kisan Yojana ચલાવવામાં આવે છે. આ યોજના હેઠળ ખેડૂતોને 3 હપ્તામાં રૂપિયા કુલ 6000/-  આપવામાં આવે છે. આ યોજના હેઠળ નવી જાહેરાત કરવામાં આવી છે કે, દરેક ખેડૂતોને પીએમ કિસાન ઈ-કેવાયસી ફરજિયાત કરવાનું રહેશે.

PM Kisan E KYC ઓનલાઈન કેવી રીતે કરશો?
પ્રધાનમંત્રી કિસાન સન્માન નિધિ યોજના હેઠળ ખેડૂતો હવે ઘરે બેઠા પોતાના મોબાઈલ પર પણ ઈ કેવાયસી કરાવી શકશે. આ માટે ભારત સરકાર દ્વારા નવી લિંક જાહેર કરવામાં આવી છે. ઓનલાઈન ઈ કેવાયસી કેવી રીતે કરવું તેની સ્ટેપ બાય સ્ટેપ માહિતી આ મુજબ છે. 

સૌપ્રથમ પોતાના મોબાઈલ, લેપટોપ કે કોમ્યુટરમાં ગૂગલ ક્રોમમાં PM KISAN ટાઈપ કરો. 

• હાવે આમાં સર્ચ રિઝલ્ટમાં ઘણા બધા પરિણામો બતાવશે. 
• હવે PM KISAN PORTALની ઓફિશિયલ વેબસાઈટ ખુલશે. 
• હવે આ વેબસાઈટમાં FARMER CORNERમાં જઈને E-KYC મેનુ પર ક્લિક કરવાનું રહેશે. 
• ત્યાર બાદ નવું પેજ ખુલશે, જેમાં OTP BASED EKYC કરી શકો છો. 
• જે ખેડૂતનું  PM e-KYC કરવાનું હોય તેનો આધારકાર્ડ નંબર નાખીને Search બટન પર ક્લિક કરવાનું રહેશે.
• ત્યારબાદ ખેડૂતને પોતાના આધાર કાર્ડમાં જે મોબાઈલ નંબર રજીસ્ટર હોય તે નાખવાનો રહેશે.
• જેમાં Aadhaar Registered Mobile નાખ્યા બાદ “Get Mobile OTP” પર ક્લિક કરવાનું રહેશે.
• ત્યારબાદ રજીસ્ટર થયેલા મોબાઈલ પર OTP આવશે જેને દાખલ કરવાનો રહેશે.
• Aadhaar Registered Mobile નો OTP દાખલ કર્યા બાદ ફરીથી, જે મોબાઈલ નંબર આધારકાર્ડ સાથે લિંક થયેલો હશે તેના પર OTP આવશે, જે દાખલ કરીને Submit બટન પર ક્લિક કરવાનું રહેશે.
• છેલ્લે, EKYC is Sucessfully Submitted. એવો મેસેજ આવશે. જે સફળતાપૂર્વક ekyc થઈ ગયું છે, તે જણાવશે.