ટીવી શોની ડોર જેના હાથમાં છે તે એકતા કપૂરને હાલમાં ભૂત દેખાયુ હતું. જે બાદ તે ખુબ ડરી ગઇ છે અને સોશ્યલ મિડીયા પર વીડિયો શૅર કર્યો છે.
ભૂત જોઇને ડરી ગઇ એકતા કપૂર
સોશ્યલ મિડીયા પર વીડિયો કર્યો શૅર
અજીબ પ્રાણી રસ્તા પર ચાલતુ દેખાયુ
સુપરનેચરલ શોઝ બનાવીને લોકોને એન્ટરટેઇન કરનારી એકતા કપૂરને હાલમાં જ ભૂત દેખાયાનો અહેસાસ થયો છે. પોતાના આ ડરને તેણે સોશ્યલ મિડીયા પર લોકો સાથે શૅર કર્યો છે.
એક વીડિયો સોશ્યલ મિડીયા પર વાયરલ થઇ રહ્યો છે જેમાં એક વિચિત્ર પ્રાણી દેખાઇ રહ્યું છે અને તે રસ્તા પર ચાલી રહ્યું છે. રિપોર્ટ પ્રમાણે આ વીડિયો ઝારખંડનો માનવામાં આવી રહ્યો છે.
એકતા કપૂર સોશ્યલ મિડીયા પર એક્ટિવ રહે છે અને તેણે હાલમાં જ એક વીડિયો શૅર કર્યો છે. જેમાં એક અજીબ પ્રાણી રસ્તા પર જઇ રહ્યું છે, તમે તેને ભૂત, ઝોમ્બી કે એલિયન પણ કહી શકો. આ વીડિયો જોયા બાદ એકતા ખુબ ડરેલી નજર આવી રહી છે.
એકતાએ વીડિયો સોશ્યલ મિડીયા પર મૂક્યો અને કેપ્શન લખ્યું કે જે લોકો એકલા ઉંઘે છે તેમના માટે આ ઘણુ સ્કેરી છે.
ઝારખંડના હજારીબાગમાં એક અજીબોગરીબ ફિગરવાળો વીડિયો ચર્ચાનો વિષય બની ગયો છે. આ અજીબ આકૃતિને રસ્તા પર ચાલતી જોઇને ત્યાંના લોકો પણ આશ્ચર્યચકિત થઇ ગયા હતા. આ વીડિયોને સોશ્યલ મિડીયા પર ખુબ શૅર કરવામાં આવી રહ્યો છે.
એકતાએ પોસ્ટ કરી બાદમાં લોકોએ લખ્યું કે તે ડરી રહ્યાં છે. કેટલાક લોકો તેને સ્પેશ્યલ ઇફેક્ટ અને વીડિયો બનાવનાર લોકોની હરકત કહી રહ્યાં છે. એકતાએ આ પહેલા પોતાના શો બડે અચ્છે લગતે હેના 10 વર્ષ પૂરા થવા પર વીડિયો શૅર કર્યો હતો. આ શો 2011માં શરૂ થયો હતો અને 2014 સુધી ચાલ્યો હતો.