ફિલ્મ ઇન્ડસ્ટ્રીમાં એક બાદ એક લોકો કોરોના પોઝીટીવ આવી રહ્યાં છે. હવે એકતા કપૂર પણ કોરોના પોઝીટીવ આવી છે.
એકતા કપૂર કોરોના પોઝીટીવ
જ્હોન અને તેની પત્ની પણ સંક્રમિત
બોલીવૂડ બન્યુ કોરોનાવૂડ
સોશ્યલ મીડિયા પર આપી જાણકારી
એકતા કપૂરે પોતે આ વાતની જાણકારી આપી છે કે તે કોરોના પોઝીટીવ છે. તેણે લખ્યું કે, તે ખુબ સાવધાન રહી તેમ છતાં તેને કોરોના થયો છે. સાથે જ તેના સંપર્કમાં આવેલા લોકોને પણ આગ્રહ કર્યો છે કે તેઓ ટેસ્ટ કરાવી લે.
કોરોના વાયરસ એક બાદ એક ફિલ્મ અને ટીવી જગતના લોકો પર કહેર બનીને વરસી રહ્યો છે. આજે સવારે જ જ્હોન અને તેની પત્ની પણ કોરોના પોઝીટીવ આવ્યા છે.
જ્હોન પણ પોઝીટીવ
જ્હોન અબ્રાહમે સોમવારે સવારે તેના ઈન્સ્ટાગ્રામ દ્વારા એક સ્ટોરી પોસ્ટ કરી અને તેના ચાહકોને માહિતી આપી કે તે કોરોનાનો શિકાર બન્યો છે, તેનો રિપોર્ટ પોઝિટિવ આવ્યો છે અને તેની પત્ની પણ કોરોના પોઝિટિવ છે. તેણે સ્ટોરીમાં લખ્યું છે કે ત્રણ દિવસ પહેલા હું એક વ્યક્તિના સંપર્કમાં હતો જેને પાછળથી ખબર પડી કે તેને કોવિડ છે. પ્રિયા અને હું કોવિડ પોઝીટીવ બની ગયા છીએ. અમે અમારી જાતને ઘરે ક્વોરેન્ટાઇન કરી છે, તેથી હવે અમે કોઈના સંપર્કમાં નથી. અમને બંનેને રસી મળી છે અને અમને આ સમયે હળવા લક્ષણો છે, કૃપા કરીને તમારી સંભાળ રાખો અને સ્વસ્થ રહો. માસ્ક પહેરો.
બોલીવુડમાં સેલિબ્રિટી આવી રહ્યાં છે કોરોનાની ઝપેટમાં
બોલીવુડમાં કોરોના ઝડપથી ફેલાઈ રહ્યો છે. જેને કારણે ફિલ્મ ઈન્ડસ્ટ્રીના લોકો કામકાજના ક્રમમાં બધી જગ્યાએ ફરે છે. 2 દિવસ પહેલાં જ જૉનની ફિલ્મ બટલા હાઉસમાં તેની કો-સ્ટાર મૃણાલ ઠાકુર પણ કોરોના પોઝીટીવ આવી હતી. તેમણે સોશિયલ મીડિયામાં માહિતી શેર કરી પોતાને આઈસોલેટ કરી દીધી છે. તેમને પણ હળવા લક્ષણો મહેસૂસ થયા હતા. અત્યારે કોરોનાનુ જોખમ વધી રહ્યું છે. મોટી હસ્તીઓ પણ કોરોનાની ઝપેટમાં આવી ગઇ છે.