ટેલિવુડ-બોલિવુડની જાણીતી હસ્તી એકતા કપૂરનો સોશ્યલ મીડિયા પર એક વીડિયો વાયરલ થઇ રહ્યો છે જેને જોઇને સોશ્યલ મીડિયા યૂઝર્સ તેના ખૂબ જ વખાણ કરી રહ્યા છે.
બોલિવુડ એક્ટર તુષાર કપૂરનો દિકરો લક્ષ્ય કપૂર તાજેતરમાં જ 3 વર્ષનો થયો છે. લક્ષ્યના બર્થ ડે પર કપૂર પરિવારે એક પાર્ટીનું આયોજન કર્યુ હતુ, જેમાં બોલિવુડના સેલેબ્સની સાથે કિડ્સને પણ ઇન્વિટેશન આપવામાં આવ્યુ હતુ. આ પાર્ટીમાં ડિરેક્ટર અને તુષાર કપૂરની બહેન એકતા કપૂર પણ પહોંચી હતી. પાર્ટી એન્જોય કરીને ઘરે પરત ફરી રહેલા એકતાનો એક વીડિયો સામે આવ્યો છે, જે વાયરલ થઇ રહ્યો છે. એકતાનો આ વીડિયોને લોકો પણ પસંદ કરી રહ્યા છે.
આ વીડિયોમાં જોવા મળી રહ્યુ છે કે, એકતા પાર્ટીમાંથી પરત ફરી રહી છે. ત્યારે કેટલાક બાળકો અને મહિલાઓ તેની પાસે આવે છે. એકતા તેમને પૂછે છે કે તેમને ખાવાનુ મળ્યુ કે નહી. આ પછી એકતા તેમને કહે છે કે, જમીને જજો. આટલુ કહીને એકતા કારમાં બેસવા જાય તે પહેલા જ એક બાળક તેની સાથે હાથ મિલાવવા માટે પોતાનો હાથ આગળ વધારે છે. એકતા બાળકોની સામે જુએ છે અને તેમની સાથે હેન્ડશેક કરી કારમાં બેસી જાય છે. કારમાં બેઠા બાદ એકતા કપૂર કાચ ખોલીને એક બોક્સ બાળકને આપે છે જે જોઇને બાળકો ખુશ થઇ જાય છે.
એકતા નો આ વીડિયો તેના ફેન્સને પણ પસંદ આવી રહ્યો છે. કેટલાક લોકો વીડિયો પર કેમેન્ટ કરતા એકતાના વખાણ કરી રહ્યા છે. તેમને કહેવુ છે કે, એકતા એકદમ દયાળુ છે અને તે હંમેશા બીજાને મદદ કરતી જોવા મળે છે.