મનોરંજન / આમિર ખાનનો ક્યારેય બહિષ્કાર ન કરી શકાય - બૉયકોટ લાલ સિંહ ચઢ્ઢા પર એકતા કપૂરે કહી દીધી મોટી વાત

• બૉયકોટ લાલ સિંહ ચઢ્ઢા પર આપી એકતા કપૂરે પ્રતિક્રિયા 
• 'આમિર ખાનને ક્યારેય બૉયકોટ ન કરી શકાય' - એકતા કપૂર 
• બૉયકોટ પર અર્જુન કપૂર પણ ભડક્યો હતો 

બૉયકોટ લાલ સિંહ ચઢ્ઢા પર આપી એકતા કપૂરે પ્રતિક્રિયા 

સુપર સ્ટાર આમિર ખાન, કરીના કપૂર ખાન તથા નાગા ચૈતન્યની ફિલ્મ લાલ સિંહ ચઢ્ઢા 11 ઓગસ્ટનાં રોજ રિલીઝ થઈ હતી. ફિલ્મને લઈને દર્શકો વચ્ચે લાંબા સમયથી ચર્ચાઓ ચાલતી હતી પરંતુ ફિલ્મ વિવાદો વચ્ચે ઘેરાઈ ગઈ. ફિલ્મ અને બૉલીવુડને લઈને સોશિયલ મીડિયા પર બૉયકોટ આમિર ખાન, બૉયકોટ લાલ સિંહ ચઢ્ઢા તથા બૉયકોટ બૉલીવુડનાં ટ્રેન્ડ શરૂ થઈ ગયા. બૉલીવુડ સ્ટાર્સ આમિર ખાન તથા તેમની ફિલ્મએ સપોર્ટ કરી રહ્યા છે. આ લિસ્ટમાં હવે એકતા કપૂરનું નામ પણ સામેલ થઈ ગયું છે. હાલનાં જ એક ઇન્ટરવ્યૂમાં એકતા કપૂરે બૉયકોટ ટ્રેન્ડ પર પોતાની પ્રતિક્રિયા આપી છે. 

'આમિર ખાનને ક્યારેય બૉયકોટ ન કરી શકાય' - એકતા કપૂર 

એકતા કપૂરે હાલમાં જ એક ઇન્ટરવ્યૂમાં બૉયકોટ ટ્રેન્ડને લઈને વાત કરી. વાતચીતમાં તેમણે એક સવાલનો જવાબ આપતા કહ્યું કે આ ખૂબ જ અજીબ છે કે આપણે એ લોકોનો બહિષ્કાર કરી રહીયા છીએ, જેમણે સૌથી સારો બિઝનેસ કર્યો છે. ઇન્ડસ્ટ્રીનાં બધા ખાન તથા વિશેષ રૂપથી આમિર ખાન લિજેન્ડ છે. આપણે તેમનો બહિષ્કાર ન કરી શકીએ. આમિર ખાનનો ક્યારેય બહિષ્કાર ન કરી શકાય. 

બૉયકોટ ટ્રેન્ડ પર અર્જુન કપૂરની પ્રતિક્રિયા 
અર્જુન કપૂરે બૉયકોટ બોલીવુડ ટ્રેન્ડ ચાલી રહ્યો છે તેના પર પ્રતિક્રિયા આપતા કહ્યું હતું કે, 'હવે સમગ્ર બોલીવુડ ઈન્ડસ્ટ્રીએ એકસાથે આવીને તેની સામે લડવું પડશે, કારણ કે હવે આ વાત ઘણી આગળ વધી રહી છે. હવે યુઝર્સનો જવાબ આપવાનો વારો છે.' એક મીડિયા સાથેની વાતચીતમાં અર્જુન કપૂરે આગળ કહ્યું હતું કે, "ઇન્ડસ્ટ્રીના લોકોએ ચૂપ રહીને ખોટું કર્યું, લોકો અમારા મૌનનો ફાયદો ઉઠાવી રહ્યા છે અને તેઓ જે મનમાં આવે છે તે બોલી રહ્યા છે. પહેલા મને લાગ્યું હતું કે અમારું કામ બોલશે, શા માટે આવી  પ્રતિક્રિયા આપીને હાથ ગંદા કરવા પણ હવે વાત ઘણી આગળ વધી રહી છે. બોલીવુડને બૉયકોટ કરવાની લોકોની સિસ્ટમ હવે એમની આદત બની ગઈ છે."

​​​​​​​

આગળ અર્જુન કપૂરે કહ્યું હતું કે, ' હવે બધાએ સાથે આવીને આવા લોકો સામે અવાજ ઉઠાવવો પડશે કારણ કે જે લોકો અમારા વિશે લખી રહ્યાં છે, હેશટેગ્સ ટ્રેન્ડ કરી રહ્યાં છે એ બધા લોકોને રિયાલિટી ખબર નથી. જ્યારે અમે કોઈ ફિલ્મમાં કામ કરી છીએ અને એ ફિલ્મ બોક્સ ઓફિસ પર સારી કમાણી કરે  છે તેનો અર્થ એમ છે કે અમારી ફિલ્મ સારી છે અને લોકોને અમારું કામ પસંદ આવ્યું છે. બોક્સઓફિસ પર અમારી અટકને કારણે નહીં, પણ અમારા કામને કારણે ફિલ્મ કમાણી કરે છે. લોકો એ તે વાત સમજવી પડશે.'