'દેશની આટલી વસ્તી તેમ છતાં લોકોને સેક્સથી કેમ છે સમસ્યા?'

એકતા કપૂર બોલિવુડ અને ટેલિવિઝનનું એક જાણીતું નામ છે. 'ક્યોકિં સાસ ભી કભી બહુ થી' 'કહાની ઘર ઘર કી' અને 'કસૌટી જિંદગી કી' એકતા કપૂરની લોકપ્રિય સીરિયલ્સમાંથી એક હતી. એકતા કપૂર ટીવી ઇન્ડસ્ટ્રીમાં પોતાના બિંદાસ સ્વભાવ માટે જાણીતી છે. આ વચ્ચે એકતા કપૂરનો એક વીડિયો સામે આવ્યો છે. એકતા વીડિયોમાં મીડિયાની સાથે સેક્સ વિશે વાત કરી રહી છે. એકતાનું કહેવું છે કે ''દેશમાં આટલી બધી વસ્તી છે તેમ છતાં લોકોને સેક્સથી કેમ સમસ્યા છે.''

એકતા કપૂર પોતાની નવી વેબ સીરિઝ 'કહને કો હમસફર હૈ' ALT Balaji પર ટૂંક સમયમાં શરૂ થશે. પોતાની નવી વેબ સીરિઝના પ્રીમિયર ફંક્શનમાં આવેલી એકતાએ મીડિયા સાથે વાતચીત કરતા કહ્યુ કે ''મારું કામ  છે કામ કરવાનું અને હું તે કરું છું અને મારું બેસ્ટ આપવાનો પ્રયત્ન કરું છું. જી હા કેટલીક વાતો લોકોને પસંદ નથી આવતી તો કેટલાકને આવે છે. મારું કામ છે કામ કરવાનું. આ મારી સફર છે આ સફરને એન્જોય કરીશ તો આઉટકમ હું જોઇશ નહી. કોઇ પણ વાર્તામાં એક જ વ્યકિતનો સાથ આપવાનો હોય છે ક્યાં તો તે મહિલા હોઇ શકે ક્યાં તો પુરુષ.''

વીડિયોમાં એકતા કપૂર કહી રહી છે કે ''ભારતમાં ખાવાના દાંત અલગ હોય છે જ્યારે દેખાડવાના અલગ.  આપણા દેશની આટલી બધી વસ્તી હોવા છતાં સેક્સથી કેમ લોકોને તકલીફ છે. લગ્ન પછી લોકોના અફેર હોય છે પરંતુ તે લોકો છુપાવે છે. લોકો કેમ સમાજથી કેમ છુપાવે છે.''

તમને જણાવી દઇએ કે એકતા કપૂરનો નવો શો 'કહને કો હમસફર હૈ' અવૈધ સંબંધો પર આધારિત છે. આ શોમાં મોના સિંહ રોનિત રૉય અને ગુરદીપ કોહલી જોવા મળશે.