મહારાષ્ટ્રની મહાવિકાસ અઘાડી સરકાર સામે બળવો કરીને સૂરત પહોંચેલા શિવસેનાના નેતાઓનો સૂરતની હોટલમાંથી વીડિયો સામે આવ્યો છે.
મહારાષ્ટ્રમાં ઉદ્ધવ સરકાર વિરુદ્ધ બળવો
મહારાષ્ટ્રના રાજકારણમાં ઉથલપાથલ મચી
સૂરતની હોટલમાંથી સામે આવ્યો વીડિયો
ઉદ્ધવ ઠાકરેના નેતૃત્વવાળી મહારાષ્ટ્રની મહાવિકાસ અઘાડી ગઠબંધન સરકાર વિરુદ્ધ બળવો કરીને પોતાના અવાજ બુલંદ કરનારા શિવસેનાના મંત્રી એકનાથ શિંદે ગુવાહટી પહોંચ્યા બાદ દાવો કર્યો છે કે, તેમની સાથે શિવસેનાના 40 ધારાસભ્યો છે. પણ આ અગાઉ સૂરતની હોટલમાંથી ધારાસભ્યોનો જે ગ્રુપ ફોટો અને વીડિયો સામે આવ્યો છે, તેમાં તો કુલ 35 ધારાસભ્યો જ દેખાઈ રહ્યા છે. મહારાષ્ટ્રમાં વિધાન પરિષદ ચૂંટણીમાં પુરતા નંબર ન હોવાના છતાં 5 સીટો પર ભાજપની જીત બાદ તુરંત એકનાથ શિંદેની આગેવાનીમાં તમામ ધારાસભ્યો સુરતની એક ફાઈવ સ્ટાર હોટલમાં પહોંચી ગયા હતા. શિવસેનાએ તેમની સાથે સંપર્ક ન હોવાનો દાવો કર્યો હગતો. ત્યાર બાદ રાજકીય ઉથલપાથલ શરૂ થઈ હતી.
#WATCH Gujarat | Shiv Sena's Eknath Shinde seen with party MLAs at a Surat hotel, yesterday, June 21
As of now, Shinde, as per his claim, is with at least 40 MLAs who are camping in Guwahati, Assam pic.twitter.com/yvYI4rXbhJ
જો કે, સૌથી મોટો સવાલ એ છે કે, બળવાખોર એકનાથ શિંદેની સાથે શિવસેનાના કુલ કેટલા ધારાસભ્યો છે. સૂરતથી ગુવાહટી પહોંચ્યા બાદ શિંદેએ દાવો કર્યો છે કે, તેમની સાથે શિવસેનાના 40 ધારાસભ્યો અહીં છે. જો કે, મીડિયા રિપોર્ટમાં કહેવાયુ છે કે, શિંદેની સાથે રાતના લગભગ 2 વાગ્યે કુલ 41 ધારાસ્યો સૂરત એરપોર્ટ પર પહોંચ્યા હતા. તેમાંથી 34 ધારાસભઅયો શિવસેનાના અને 7 અપક્ષ ધારાસભઅયો છે. જો કે, હવે સૂરતની ફાઈવ સ્ટાર હોટલમાંથી વીડિયો સામે આવ્યો છે. તેમાં એકનાથ શિંદે સાથે 35 ધારાસભ્યો દેખાઈ રહ્યા છે.