શિવસેનાના બળવાખોર નેતા એકનાથ શિંદે અને પાર્ટીના 36 ધારાસભ્યો અને નવ અપક્ષો આસામની એક હોટેલમાં પહોંચ્યા જ્યાં તેમનો રહેવા જમવાનો ખર્ચો લાખોમાં થયો છે.
એકનાથ શિંદે સાથે અન્ય ધારાસભ્યો આસામની હોટેલમાં રોકાણા
રેડિસન બ્લુ હોટેલમાં રોકાયા ધારાસભ્યો
દરરોજ જમવાનો ખર્ચો 8 લાખ રૂપિયા
રોકાણનો સંપૂર્ણ ખર્ચ 1.12 કરોડ રૂપિયા
આસામના મુખ્ય શહેરની બહારના વિસ્તારમાં નેશનલ હાઇવે 37 પર આવેલી લક્ઝરી હોટલ રેડિસન બ્લુએ બધાનું આકર્ષણ ખેચ્યું છે જ્યારથી શિવસેનાના બળવાખોર નેતા એકનાથ શિંદે અને પાર્ટીના 36 ધારાસભ્યો અને નવ અપક્ષો ત્યાં પહોંચ્યા છે. આનાથી મહારાષ્ટ્રની મહા વિકાસ આઘાડી સરકાર માટે સંભવિત ખતરો ઉભો થયો છે. આ અઠવાડિયે સોમવારે સાંજે શિંદેની આગેવાની હેઠળ શિવસેનાના બળવાખોર ધારાસભ્યોએ ભાજપ શાસિત ગુજરાતના એક શહેર સુરતની એક હોટલમાં ચેક ઈન કર્યું હતું. અહીંથી તેઓ બુધવારે સવારે આસામના ગુવાહાટી ગયા હતા. ગુવાહાટીના ગોપીનાથ બોરડોલોઇ આંતરરાષ્ટ્રીય હવાઇમથકે પહોંચ્યા બાદ બળવાખોર ધારાસભ્યોને આસામ રાજ્ય પરિવહન નિગમ દ્વારા સંચાલિત ત્રણ લક્ઝરી બસોમાં પોલીસે રેડિસન બ્લુ હોટેલમાં લઇ ગઇ હતી. ન્યૂઝ એજન્સીના સૂત્રોના હવાલાથી જાણવામાં આવ્યું કે લક્ઝરી હોટલમાં 56 લાખ રૂપિયામાં 70 રૂમ બુક કરવામાં આવ્યા છે. હોટેલમાં એક કોન્ફરન્સ હોલ, એક પૂલ, એક સ્પા અને પાંચ રેસ્ટોરાં છે. આ ઉપરાંત ખોરાક અને અન્ય સેવાઓ માટે દરરોજ 8 લાખ રૂપિયા (સાત દિવસ માટે 56 લાખ રૂપિયા) ખર્ચ થવાનો અંદાજ છે. સાત દિવસના રોકાણનો સંપૂર્ણ ખર્ચ 1.12 કરોડ રૂપિયા છે.
41 ધારાસભ્યો સાથે વીડિયો અને ફોટા પોસ્ટ કર્યા
પોતાની તાકાત બતાવવા માટે શિંદેએ ગુરુવારે હોટલના 41 ધારાસભ્યો સાથે વીડિયો અને તસવીરો પોસ્ટ કરી હતી, જેના કારણે મહારાષ્ટ્રના મુખ્યમંત્રી ઉદ્ધવ ઠાકરે માટે વધુ મુશ્કેલીઓ ઉભી થઈ છે. ફોટોગ્રાફ્સમાં એક હોલમાં બળવાખોરના ધારાસભ્યો શિવસેનાના બાળાસાહેબ ઠાકરે અને એકનાથ શિંદે માટે સૂત્રોચ્ચાર કરતા જોવા મળ્યા હતા. વીડિયોમાં જોઇ શકાય છે કે શિંદે ગુવાહાટીની એક હોટલમાં શિવસેનાના બળવાખોર ધારાસભ્યોના એક જૂથને સંબોધિત કરી રહ્યા છે. "આપણી ચિંતાઓ અને સુખ સરખાં જ છે. આપણે સંગઠિત છીએ અને વિજય આપણો જ થશે. એક રાષ્ટ્રીય પક્ષ, એક મહાસત્તા છે... તમે જાણો છો કે તેઓએ પાકિસ્તાનને હરાવ્યું હતું. તે પાર્ટીએ કહ્યું છે કે અમે એક ઐતિહાસિક નિર્ણય લીધો છે અને પૂરી પાડવાની ખાતરી આપી છે.