ભારતીય જનતા પાર્ટીના રાષ્ટ્રીય અધ્યક્ષ જગત પ્રકાશ નડ્ડા શનિવારે એક દિવસના પ્રવાસ પર પશ્ચિમ બંગાળ પહોંચી રહ્યા છે. નડ્ડા અહીં ખેડૂતોનું સમર્થન મેળવવા માટે ‘એક મુઠ્ઠો ચાવલ’અભિયાન શરુઆત કરશે. ઉલ્લેખનીય છે કે બંગાળમાં સત્તારુઢ તુણમુલ કોંગ્રેસ સરકાર સતત મોદી સરકાર પર ખેડૂત વિરોધી હોવાના આરોપ લગાવી રહી છે. ત્યારે બંગાળ એક માત્ર એવું રાજ્ય છે જ્યાં પીએમ ખેડૂત સન્માન નિધિ યોજનાની રાશિ ખેડૂતો સુધી પહોંચી નથી.
નડ્ડા બેઠક અને રોડ શો પણ કરશે
ટીએમસી અને ભાજપની વચ્ચે શાબ્દિક જંગ ચાલૂ છે
બંગાળમાં ભાજપની સૌથી મોટી ચૂંટણી વ્યવસ્થા
આ અભિયાનના અંતર્ગત ભારતીય જનતા પાર્ટીના કાર્યકર્તા રાજ્યના 48 હજાર ગામોમાં દરેક ખેડૂતોના ઘર સુધી પહોંચે. ભાજપ આ ઘરોમાંથી ચોખા ભેગા કરશે. આશા રખાઈ રહી છે કે નડ્ડા પોતાના અભિયાનની શરુઆત અંતરિયાળ ગામ પૂર્વી બર્દવાનથી કરશે. શક્યતા દર્શાવાઈ રહી છે કે આ અભિયાન 24 જાન્યુઆરી સુધી ચાલુ રહેશે. ત્યારે ખેડૂતોના ઘરોમાંથી એકત્રિત ચોખાની મદદ 25થી 30 જાન્યુઆરી ખેડૂતો અને ગરીબો માટે જમવાનું તૈયાર કરવામાં આવશે. મનાઈ રહ્યું છે કે ભાજપે રાજ્યમાં આગામી વિધાનસભા ચૂંટણીની પહેલા 73 લાખ ખેડૂતો સુધી પહોંચવાનું લક્ષ્ય રાખ્યું છે.
બેઠક અને રોડ શો પણ કરશે
ભાજપે મીડિયા પ્રભારી અનિલ બલૂનીને જાણકારી આપી છે કે નડ્ડા 11 વાગે બર્દવાન પહોંચીને એક રોડ શો કરશે. આ ઉપરાંત પાર્ટીના પદાધિકારીઓની સાથે તેમની બેઠક થશે. શનિવારે નડ્ડાના પ્રવાસની શરુઆત શ્રી રાધા ગોવિંદ મંદિરથી થશે. એ બાદ તે જગદાનંદપુર ગામ પહોંચશે. અહીં નડ્ડા કૃષ્ક સુરક્ષા ગ્રામ સભાને સંબોધિત કરશે. સાથે તે આ ગાંમમાં ખેડૂત પરિવારોની સાથે બપોરે જમશે.
ટીએમસી અને ભાજપની વચ્ચે શાબ્દિક જંગ ચાલૂ છે
આસામ, તમિલનાડુ, પશ્ચિમ બંગાળ સહિત અનેક રાજ્યોમાં વિધાનસભા ચૂંટણી થવાની છે. તેવામાં ભાજપે બંગાળમાં મહિનાઓ પહેલા જ પોતાની તૈયારી શરુ કરી દીધી હતી. સૌથી પહેલા અમિત શાહ તેના પ્રવાસે ગયા હતા. અહીં શાહે 200 સીટો સાથે બહુમતિ મેળવવાનો દાવો કર્યો હતો. એ બાદથી ટીએમસી અને ભાજપની વચ્ચે શાબ્દિક જંગ ચાલૂ છે.
બંગાળમાં ભાજપની સૌથી મોટી ચૂંટણી વ્યવસ્થા
આ વર્ષે થનારી વિધાનસભા ચૂંટણીને જોતા ભાજપે રાજ્યોમાં 117 સદસ્યીય મેનેજમેન્ટ ટીમ ગઠિત કરી છે. 31 યુનિટની આ ટીમ બૂથ સ્તરને લઈને મીડિયા સુધી કામ જોશે આ ટીમની કમાન શાહ અને નડ્ડાના હાથમાં છે. મીડિયા રિપોર્ટ્સમાં દાવો કરવામાં આવ્યો છે કે ચૂંટણીની પહેલા શાહ અને નડ્ડા બન્ને દર મહિને બંગાળ પહોંચશે. બંગાળમાં એપ્રિલ - મેમાં લગભગ ચૂટણી થવાની સંભાવના છે.