ચિંતા / પંચમહાલમાં લકવા કરી દેતી બીમારીના 8 કેસ મળતા ખળભળાટ, તમે પણ જાણી લો શું છે લક્ષણો

• પંચમહાલમાં GBS સિન્ડ્રોમના 8 કેસ
• ગોધરા, શહેરામાં ફેલાયો ફફડાટ
• આરોગ્ય તંત્રએ લીધા સેમ્પલ 

આરોગ્ય તંત્રએ સેમ્પલ લેવાની કામગીરી હાથ ધરી

હજુ સમગ્ર દેશ સહિત રાજ્ય કોરોનાની મહામારીના ચુંગાલમાંથી બહાર નીકળ્યું નથી ત્યાં તો ગુજરાતમાં વધુ એક ભયંકર બિમારી જોવા મળી છે. પંચમહાલમાં GBS સિન્ડ્રોમના આઠ કેસ મળી આવતાં લોકોમાં ફફડાટ વ્યાપી જવા પામ્યો છે. જેમાં ગોધરા અને શહેરાના ધારાપુર ગામમાં નોંધાયા છે. એટલું જ નહીં, આ વાતની જાણ તંત્રને થતાં ભારે  દોડધામ મચી ગઈ  હતી.GBS સિન્ડ્રોમને ફેલાતો અટકાવવા માટે હાલ આરોગ્ય તંત્ર હરકતમાં આવી સેમ્પલિંગ લેવાની કામગીરી શરૂ કરી દીધી છે.

18 ફેબ્રુઆરીએ ત્રણ કેસનો આવ્યો હતો રિપોર્ટ

પંચમહાલમાં GBS સિન્ડ્રોમના જે આઠ કેસ મળી આવ્યા છે, તે દર્દીઓ હાલ ખાનગી હોસ્પિટલમાં સારવાર હેઠળ છે. આ રોગની ઝપેટમાં મોટાભાગના બાળકોનો પણ સમાવેશ થાય છે. પંચમહાલમાં ફેલાયેલા GBS સિન્ડ્રોમ રોગની ઈસ્ટ્રી વિશે વાત કરીએ તો 18 ફેબ્રુઆરીએ ત્રણ કેસનો રિપોર્ટ આવ્યો હતો. ત્યારબાદ ધીમીધીમે કેસનો આંકડો આઠ પર પહોંચ્યો છે. 

શું છે GBSના લક્ષણો ?

- દર્દીના હાથ અને પગ સુન્ન થવા
- આંગળીમાં સોય વાગે તેવો દુખાવો અનુભવવો
- દર્દીને લકવાગ્રસ્ત પણ બનાવી દે છે GBS સિન્ડ્રોમ
- શ્વાસોશ્વાસની ક્રિયામાં તકલીફ થતાં વેન્ટિલેટર પર રાખવા પડે છે
- ખાલી ચઢવી, અશક્તિ આવવી
- આ વાયરસનો ગપેસારો શ્વાસોશ્વાસ અથવા જઠરથી થાયછે
- ગુલીયન બારે સિન્ડ્રોમની સારવાર ખર્ચાળ હોય છે
- નર્વસ સિસ્ટમ મગજથી લઈને કરોડરજ્જુ સુધી ફેલાયેલી હોય છે
- આ એક દુર્લભ ઑટૉઈમ્યૂન ડિસઑર્ડર છે