અમેરિકી વિજ્ઞાનીએ કોરોના સામે લડવા નવી દવા EIDD-2801 તૈયાર કરી છે. રિસર્ચ દરમિયાન તેનો પ્રયોગ કોરોના વાઇરસ સંક્રમિત ઉંદરો અને માણસનાં ફેફસાં પર સફળ રહ્યો છે. આ એક એન્ટીવાઇરલ ડ્રગ છે, તે ફેફસાંનાં ડેમેજને કન્ટ્રોલ કરે છે. અમેરિકાના ફૂડ એન્ડ ડ્રગ એડમિનિસ્ટ્રેશને આ દવાને માણસો પર ટ્રાયલ કરવાની અનુમતિ આપી છે. ડ્રગ તૈયાર કરનારી ઇમોરી યુનિવર્સીટીનું કહેવું છે કે તેને ટેબલેટના રૂપમાં લઇ શકાશે.
સંક્રમણ શરૂ થવાના ૧૨થી ૨૪ કલાકની અંદર ડેમેજ થતાં ફેફસાંને કન્ટ્રોલ કરવા લાગે છે
ઇઆઇડીડી-૨૮૦૧ બીજાં ડ્રગ જેમકે રેમડેસિવીર કરતાં પણ બહેતર છે
કોરોનાએ સતત ફેલાતા સંક્રમણ અને દુનિયાભરમા તેનાથી થતાં મૃત્યુની વચ્ચે નવી દવાની સફળતાથી મહામારી પર કાબૂ મેળવવામાં મદદ મળી શકે છે. ડ્રગ તૈયાર કરનારી ઇમોરી યુનિવર્સીટીનું કહેવું છે કે તેને ટેબલેટના રૂપમાં લઇ શકાશે. અમેરિકી સંશોધકોનો દાવો છે કે કોરોના વાઇરસ શરીરમાં પોતાના જિનેટિક મટીરિયલ વધારવા માટે જે એન્ઝાઇમનો પ્રયોગ કરે છે, આ દવા તેને બ્લોક કરે છે.
સંશોધકોએ આ નવી દવાને રિલીફ ડ્રગ નામ આપ્યું છે. તેમનું કહેવું છે કે દવાનો ઉપયોગ નવા કોરોના વાઇરસ સંક્રમતિ ઉંદરો અને માણસોનાં ફેફસાંની કોશિકાઓ પર કરાયો. તેનો ઉપયોગ કોરોના સંક્રમિત દર્દીઓની અલગ અલગ સ્થિતિમાં કરવામાં આવશે. આ દવા સંક્રમણ શરૂ થવાના ૧૨થી ૨૪ કલાકની અંદર ડેમેજ થતાં ફેફસાંને કન્ટ્રોલ કરવા લાગે છે. આ દરમિયાન ઘટતાં વજનને પણ નિયંત્રિત કરે છે.
સાયન્સ ટ્રાંજેશનલ મેડિસિન જર્નલ મુજબ ડિસેમ્બર, ૨૦૧૯માં દવા નો પહેલો રિપોર્ટ સામે આવ્યો કે તે કોરોના વાઇરસ ની સંખ્યાને રોકે છે. એક બીજા પ્રયોગમાં સામે આવ્યું કે આ દવાના કારણે વાઇરસની ગતિવિધિઓ પર રોક લાગે છે. આ કેસમાં ઇઆઇડીડી-૨૮૦૧ બીજાં ડ્રગ જેમકે રેમડેસિવીર કરતાં પણ બહેતર છે.