ફાયદાકારક / ભરપૂર પ્રોટીન અને પોષક તત્વો માટે ઈંડા ખાવા કે પનીર, જાણો શું છે બેસ્ટ

• શરીર માટે ખૂબ જ જરૂરી છે પ્રોટીન
• ઈંડા અને પનીર પ્રોટીનનો બેસ્ટ સોર્સ છે
• આ બંનેમાં અનેક પોષક તત્વો રહેલાં છે

એક બાફેલા ઈંડામાં 5.5 ગ્રામ પ્રોટીન, 4.2 ગ્રામ ફેટ, 24.6 મિલિગ્રામ કેલ્શિયમ, આયર્ન 0.8 મિલિગ્રામ અને મેગ્નેશિયમ 5.3 મિલિગ્રામ હોય છે.

ઈંડાની જેમ પનીરને પણ ઘણી રીતે ડાયટમાં સામેલ કરી શકાય છે. 40 ગ્રામ લો ફેટ કોટેજ ચીજ અથવા પનીરમાં 7.54 ગ્રામ પ્રોટીન, 5.88 ગ્રામ ફેટ, 4.96 ગ્રામ કાર્બોહાઇડ્રેટ, 37.32 માઇક્રોગ્રામ ફોલેટ્સ્, અને 190.4 મિલિગ્રામ કેલ્શિયમ હોય છે.

ઈંડા અને પનીર બંનેમાં લગભગ સમાન પ્રકારના પોષક તત્વો હોય છે. પ્રોટીન સહિત, બંને વિટામિન બી-12, આયર્ન, કેલ્શિયમ અને ઘણાં વિટામિન્સનો સ્રોત છે. ઈંડા અને પનીર બોડી બનાવવા અને વજન ઘટાડવામાં મદદ કરે છે. તમે આ બંને આહાર તમારી ડાયટમાં સામેલ કરી શકો છો. 

પ્રોટીનની કમીથી થાય છે આ સમસ્યા

શરીરમાં પ્રોટીનની કમી થવા પર શરીરમાં એનર્જી ઓછી થવા લાગે છે. વાળ ખરે છે અને નખ પણ વીક થવા લાગે છે. વજન ઓછું થઈ જાય છે, ઘા જલ્દી રૂઝાતા નથી. માથાના દુખાવા જેવી સમસ્યાઓ થાય છે. 

શરીરને રોજ કેટલું પ્રોટીન જોઈએ

પ્રોટીનની જરૂર આપણાં વજન પર નિર્ભર કરે છે અને તમે કેટલીક કેલરી લો છો તેના પર પણ નિર્ભર કરે છે. તમારી કુલ કેલરીમાં 20થી 35 ટકા પ્રોટીન હોવું જોવું. જો તમે રોજ 2000 કેલરીનું સેવન કરો છો તો તેમાં 600 કેલરી પ્રોટીનમાંથી મળેલી હોવી જોઈએ.