આજે સોમવારે ફરી Stock market માં કડાકો બોલ્યો હતો. સેન્સેક્સ ગયા સપ્તાહમાં થોડો ઊંચકાયા બાદ આજે ફરી 900 પોઈન્ટ જેટલો તૂટયો હતો.
આજે લાલ નિશાન પર શેરબજાર
900 પોઈન્ટ ઘટ્યો સેન્સેક્સ
રશિયા યુક્રેન યુદ્ધની અસર
આજે ફરી શેરબજારમાં કડાકો
સપ્તાહના પ્રથમ દિવસે સોમવારે શેરબજાર લાલ નિશાન પર મોટા ઘટાડા સાથે ખુલ્યું હતું. રશિયા યુક્રેન યુદ્ધ વચ્ચે છેલ્લા ઘણા સમયથી શેરબજારમાં કડાકો બોલી ગયો છે. થોડી એક બે દિવસની રાહત બાદ બાદ નવા અઠવાડિયાના પ્રથમ દિવસે જ આજે ફરી શેર માર્કેટમાં કડાકો બોલી ગયો હતો.
700 પોઈન્ટ ઘટીને ખૂલ્યો સેન્સેક્સ
બોમ્બે સ્ટોક એક્સચેન્જનો 30 શેરો ધરાવતો સેન્સેક્સ એક સમયે 762 પોઈન્ટ ઘટીને 55,096 પર ખુલ્યો હતો, જ્યારે નેશનલ સ્ટોક એક્સચેન્જનો નિફ્ટી ઈન્ડેક્સ 221 પોઈન્ટ ઘટીને 16,437 પર ટ્રેડ કરવાનું શરૂ કર્યું હતું. ત્યાર પછી સેન્સેક્સ 900 પોઈન્ટ ઘટીને તળિયે જઈ આવ્યો હતો.
શેરબજાર ઊંચકાયા બાદ આજે ફરી ડાઉન
અગાઉ, ગયા સપ્તાહના છેલ્લા ટ્રેડિંગ દિવસે શુક્રવારે ભારતીય શેરબજાર લીલા નિશાન પર ખુલ્યું હતું અને અંતે એક દિવસના કારોબાર બાદ તેજી સાથે બંધ થયું હતું. સેન્સેક્સ 1328 પોઈન્ટ અથવા 2.44 ટકા વધીને 55,858 પર બંધ થયો હતો, જ્યારે નિફ્ટી 2.53 ટકા વધીને 410 પોઈન્ટ્સ વધીને 16,658 પર બંધ થયો હતો.