ઘરેલૂ ઉપચાર / ચહેરાને કદરૂપો બનાવી દે છે આ સમસ્યા, તમને થાય તો તરત જ આ ઘરેલૂ ઉપચાર કરી લેજો, મટી જશે

• સફેદ ડાઘથી ચહેરો થઈ જાય છે કદરૂપો
• આ ઘરેલૂ ઉપાય ડાઘ દૂર કરવામાં કરશે મદદ
• ઘરની વસ્તુઓથી કરો ઈલાજ

સફેદ ડાઘ એક પ્રકારનું સ્કિન ડિસીઝ છે. જે કોઈ એલર્જી અથવા સ્કિનમાં સમસ્યા થવાને કારણે થાય છે. ઘણીવાર તે આનુવંશિક પણ હોઈ શકે છે. દુનિયામાં 2 ટકા લોકો આ સમસ્યાથી ગ્રસ્ત છે અને ભારતમાં 4 ટકા લોકો આ સમસ્યાતી પરેશાન છે. તેને ઠીક કરવા માટે ધીરજની જરૂર હોય છે. આજે અમે તમને કેટલાક અસરકારક ઉપાયો જણાવીશું, જેને અપનાવીને તમે સફેદ ડાઘની સમસ્યાને દૂર કરી શકશો. 

કડવા લીમડાનો પ્રયોગ

લીમડાના પાન અને ફળ અનેક સમસ્યાઓમાં કારગર સાબિત થાય છે. સફેદ ડાઘ દૂર કરવા લીમડાના પાનને પીસીને તેની પેસ્ટ બનાવી ડાઘ પર લગાવો. આ ઉપાય રોજ 1 મહિના સુધી કરો. સાથે જ રોજ લીમડાનું ફળ ખાઓ અને તેનો જ્યૂસ પણ પીવો. તેનાથી લોહી સાફ થશે અને સફેદ ડાઘની સાથે સ્કિનના અન્ય રોગ પણ દૂર થવા લાગશે. 

શરીરને સ્વચ્છ રાખો

ઘણીવાર લોકો પ્રાકૃતિક વેગ રોકી રાખે છે. જે બહુ જ ખોટું છે. તેનાથી શરીરમાં ટોક્સિન્સ વધવા લાગે છે અને પછી શરીરને નુકસાન પહોંચાડે છે. જેથી હમેશાં શરીરમાં રહેલાં હાનિકારક તત્વો બહાર નીકળવા દો અને શરીરને સ્વચ્છ રાખો. 

બથુઆ

તમારી ડાયટમાં વધુને વધુ બથુઆને સામેલ કરો. રોજ બથુઆને બાફીને તેના પાણીથી શરીર પર જ્યાં સફેદ ડાઘ હોય ત્યાં ધુઓ. કાચાં બથુઆનો રસ 1 કપ કાઢી તેમાં 1 કપ તલનું તેલ મિક્સ કરીને ધીમા તાપે પકાવો. અડધું રહે એટલે ઠંડુ કરી રોજ ડાઘ પર લગાવો. 

અખરોટ ખાઓ

સફેદ ડાઘને દૂર કરવા માટે અખરોટ બેસ્ટ છે. રોજ અખરોટ ખાવાથી તેમાં રહેલાં તત્વો અને ગુણો સફેદ ડાઘની સમસ્યા દૂર કરે છે. 

આદુ

રોજ આદુનો જ્યૂસ પીવાથી અથવા રોજ સવારે ખાલી પેટ આદુનો કટકો ચાવીને ખાવાથી અને સફેદ ડાઘ પર આદુનો રસ લગાવવાથી આ સમસ્યા દૂર થાય છે. 

આ ન ખાતાં 

સફેદ ડાઘની સમસ્યા વધે નહીં તે માટે ખાવામાં કેટલીક પરેજી રાખવી જરૂરી છે. જેથી મીઠાઈઓ, રબડી, દૂધ અને દહીં એકસાથે ખાવું નહીં. દૂધની સાથે ફિશનું સેવન પણ કરવું નહીં.