નેચરલ ઉપાય / ખીલ, ડાઘ, અનઈવન સ્કિન ટોન, ટેનિંગ, ફોડલીઓ કાયમી દૂર કરવી હોય તો આ 7 નેચરલ ઉપાય અજમાવી લો

• બધી જ સ્કિન પ્રોબ્લેમ માટે રામબાણ ઉપાય
• ઘરે જ નેચરલ ઉપાયો કરવાથી સ્કિન રહે છે હેલ્ધી
• સ્કિનને મોટી ઉંમર સુધી હેલ્ધી રાખવા કાળજી રાખવી છે જરૂરી

નોંધી લો આ નેચરલ ઉપાયો

• રાત્રે સૂતા પહેલાં કાચા બટાટાના ગોળ પતીકાં કાપીને આંખની ઉપર પંદર મિનિટ મૂકો. ત્યારબાદ ચહેરો ધોયા વગર સૂઈ જવું. સવારે ઊઠ્યા બાદ એલોવેરા અને કાકડીના જૂસને મિક્સ કરી આંખની આસપાસ લગાવો. પફીનેસ અને ડાર્ક સર્કલ માટે આ પ્રયોગ અસરકારક છે.
• શુષ્ક ત્વચા ધરાવતી મહિલાઓએ કાચા દૂધમાં રૂનું પૂમડું પલાળી ચહેરો સાફ કરવો. સામાન્ય ત્વચા હોય તો ચણાના લોટમાં ગુલાબજળ અને કોકોનટ ઓઇલનાં ત્રણ-ચાર ટીપાં ઉમેરી પાંચ મિનિટ ચહેરા પર હળવા હાથે ઘસો. અઠવાડિયે બે વાર આ પ્રયોગ કરવાથી ત્વચાની ગંદકી દૂર થાય છે.
• ચાર બદામને આખી રાત પલાળી રાખો. સવારે એમાં દૂધ અને મધ નાખી મિક્સરમાં વાટી પેસ્ટ બનાવી લો. આ બેસ્ટ સ્ક્રબિંગ છે. તમે ઇચ્છો તો આખા શરીરે સ્ક્રબિંગ કરી શકો છો. તમારી ત્વચા ખૂબ જ ઓઈલી હોય તો સંતરાની સૂકી છાલનો પાઉડર કરી એમાં અડધી ચમચી દહીં તેમ જ ગુલાબજળ ઉમેરી સ્ક્રબિંગ કરવું.
• કેસરમાં દૂધ અને ચંદનનો પાઉડર નાખી પેસ્ટ બનાવી લો. ચહેરા પર ફેસપેકની જેમ લગાવવાથી પિગમેન્ટેશન દૂર થાય છે. એવી જ રીતે કેળાને મસળી એમાં બે ટીપાં લીંબુનો રસ ઉમેરી માસ્કની જેમ લગાવવાથી ડાઘ-ધબ્બા ઓછા થઈ જાય છે.
• સંતરા વિટામિન સીથી ભરપૂર હોવાથી તમારી ત્વચાને શાઈની અને હેલ્ધી રાખવામાં મદદ કરશે. સૌપ્રથમ સંતરાની ત્રણથી ચાર પેશીઓમાંથી બિયાં કાઢી લો. એમાં મધ અને સંતરાની છાલના ટુકડા ભેળવી મિક્સરમાં એકરસ કરવું. આ પેકને પંદરથી વીસ મિનિટ માટે ચહેરા પર લગાવો. ત્યારબાદ સાદા પાણીથી ચહેરો ધોઈ લેવો. એનાથી ત્વચામાં ભેજ જળવાઈ રહે છે. સંતરાની છાલના ઉપયોગથી ત્વચા પર રહેલાં ડાઘ-ધબ્બા અને બ્લેકહેડ્સ દૂર થાય છે. 
• ઓટ્સને મિક્સરમાં પીસી પાઉડર બોનાવી લો. એમાં મધ અને ગુલાબજળ ઉમેરી સરખી રીતે મિક્સ કરી લો. આ ફેસપેકને 15 મિનિટ ચહેરા પર લગાવો. ઓટ્સ એન્ટીઓક્સીડેન્ટ્સ અને એન્ટીઈન્ફ્લામેટરી ગુણો હોય છે જે ચહેરાની મૃત ત્વચાને દૂર કરી એને એક્સફોલિએટ કરવામાં મદદ કરે છે. મધ અને ગુલાબજળથી સ્કિન હાઇડ્રેટેડ રહેશે. અઠવાડિયે એક વાર આખા શરીર પર અથવા ચહેરા પર આ પેકનો લેપ લગાવી સ્નાન કરશો તો ખંજવાળ અને સનબર્નમાં રાહત થશે તેમ જ સ્કિન સુંદર બનશે.
• ઓલિવ, કોકોનટ અને કેસ્ટર ઓઇલને સપ્રમાણ માત્રામાં લઈ મિક્સ કરો. શુષ્ક ત્વચા માટે આ બેસ્ટ સનસ્ક્રીન છે. કોમ્બિનેશન સ્કિન માટે બદામ અને ઓલિવ ઓઇલ લેવું અને ઓઈલીસ્કિન ધરાવતી મહિલાઓએ સૂર્યના તાપથી સ્કિનનું રક્ષણ કરવા એલોવેરા જેલ લગાવવો.