હેલ્ધી અને મજબૂત વાળ બધાંને જોઈએ છે અને તેના માટે આજે અમે તમને એવા 3 માસ્ક વિશે જણાવીશું, જેને લગાવીને તમારા વાળની બધી જ સમસ્યાઓ દૂર થઈ જશે.
વાળને એકદમ હેલ્ધી બનાવી દેશે આ પેસ્ટ
ઘરના દરેક લોકો કરી શકે છે ઉપયોગ
વાળની દરેક સમસ્યાનો રામબાણ ઈલાજ
અત્યારે બધાંના વાળ ખરે છે. આ ખરતાં વાળની સમસ્યા કઈ રીતે દૂર કરવી તેના માટે લોકો અનેક ઉપાયો પણ કરતાં હોય છે જેમાંથી કેટલાક અસર કરે છે અને કેટલાક અસર નથી કરતાં. જેથી આજે અમે તમને મજબૂત, લાંબા અને ભરાવદાર વાળ માટે એવા 3 બેસ્ટ ઓવરનાઈટ હેર માસ્ક જણાવીશું. જે ગજબની અસર કરશે.
વાળને શાઈની બનાવવા
આ ઉપાય કરવા 1 કેળામાં 2 ચમચી દીવેલ અને થોડી બીયર મિક્સ કરીને વાળના મૂળમાં લગાવી દો. પછી વાળમાં 10 મિનિટ મસાજ કરી શાવર કેપ પહેરીને સૂઈ જાઓ. સવારે ઉઠીને હેર વોશ કરી લો. આનાથી વાળ શાઈની અને હેલ્ધી બનશે.
ડેન્ડ્રફ માટે
પુષ્કળ ડેન્ડ્રફ, ફંગલ ઈન્ફેક્શન થતો હોય તો, 2 ચમચી નારિયેળ તેલમાં 2 ચમચી દહીં અને 1 વિટામિન ઈની કેપ્સૂલ મિક્સ કરીને વાળમાં લગાવી દો. પછી વાળમાં 10 મિનિટ મસાજ કરી શાવર કેપ પહેરીને સૂઈ જાઓ. સવારે ઉઠીને હેર વોશ કરી લો. સપ્તાહમાં બેવાર આ ઉપાય કરશો તો ડેન્ડ્રફ ફરી પાછો નહીં થાય.
ડેમેજ વાળ માટે માસ્ક
આ ઉપાય ખૂબ જ કારગર છે. તેના માટે 2 ચમચી એલોવેરા, 2 ચમચી ઓલિવ ઓઈલ અને 2 ઈંડાની જર્દી મિક્સ કરીને વાળના મૂળમાં લગાવી દો. પછી વાળમાં 10 મિનિટ મસાજ કરી શાવર કેપ પહેરીને સૂઈ જાઓ. સવારે ઉઠીને હેર વોશ કરી લો. આ માસ્ક વાળ ખરવાની, નબળાં વાળની સમસ્યા દૂર કરશે.