વાયુ વાવાઝોડું ઓમાન તરફ આગળ વધી રહ્યું છે. હાલ ગુજરાતની દરિયાઈ સીમાથી વાયુ વાવાઝોડું 160થી 170 કિમી દુર છે. ધીમે-ધીમે વાયુ વાવાઝોડું ગુજરાતથી દૂર જઈ રહ્યું છે. વાવાઝોડું હાલ ઉત્તર-પશ્ચિમ તરફ આગળ વધી રહ્યું છે. વાયુ વાવાઝોડાને લઈને સમગ્ર રાજ્ય માટે છેલ્લા કેટલાક કલાકો મુશ્કેલ ભર્યા સાબિત થવાના હતા. ત્યારે જુઓ બુધવારના દિવસની આ 22 મહત્વની ઘટનાઓના દ્રશ્યો...
1. વાયુ વાવાઝોડાએ દિશા બદલતા હાલ રાજ્ય પરથી સંકટના વાદળ દૂર થયા છે. ત્યારે દ્વારકાના દરિયામાં કરંટ જોવા મળ્યો હતો. દ્વારકાના ગોમતીઘાટ સહિતના વિસ્તારોમાં 8થી 10 ફૂટ ઊંચા મોજા ઉછળતા જોવા મળ્યા હતા.
2. અમરેલીમાં જાફરાબાદના દરિયામાં જહાજ ફસાયું હતું. આકેર નામનું જહાજ દરિયામાં ફસાયું હતું. મહત્વનું છે કે, જાફરાબાદના દરિયામા જહાજ બાંધી કેટલાક લોકો ગઈકાલે કાંઠે આવી ગયા હતા.
3. ભાવનગરના અલંગ શીપયાર્ડમાં પણ વાવાઝોડાની ભારે અસર જોવા મળી હતી. વાવાઝોડાની અસરને લઈને બે દિવસ સુધી કામકાજ બંધ રાખવાના રાજ્ય સરાકારે આદેશ આપ્યા હતા. અલંગના તમામા પ્લોટમાં કામકાજ બંધ કરાયું હતું. મજૂરોને પણ સલામત સ્થળે ખસેડી દેવામાં આવ્યા હતા. અલંગ શીપબ્રેકિંગ યાર્ડમાં પણ દરિયાના પાણી ઘૂસી ગયા હતાં.
4. ભાવનગરમાં વાયુ વાવાઝોડાની અસરથી વરસાદ આવ્યો હતો. કેટલીક જગ્યાએ વીજપોલ ધરાશાયી થયા હતા તો કેટલીક જગ્યાએ વૃક્ષો ધરાશાયી થયા હતા. મહત્વનું છે કે, જિલ્લાના પાલીતાણા, ઈશ્વરીયા, સિહોર, મહુવા, સોનગઢ સહિતના અનેક સ્થળો પર વરસાદ પડ્યો હતો.
ત્યારે 'વાયુ' વાવાઝોડાની બુધવારની 22 મહત્વની ઘટનાઓ જુઓ આ વીડિયોમાં...