નેશનલ / SSC GD કોન્સ્ટેબલ ફાઇનલ પરિણામ થશે જાહેર, આ રીતે ચેક કરો રિઝલ્ટ

SSC GD Final Result 2024: સ્ટાફ સિલેક્શન કમિશન (SSC) દ્વારા 23 સપ્ટેમ્બરથી 9 નવેમ્બર 2024 દરમિયાન કોન્સ્ટેબલ GD ભરતી માટે PET, PST, ડોક્યુમેન્ટ વેરિફિકેશનનું આયોજન કરવામાં આવ્યું હતું જેમાં લાખો ઉમેદવારોએ ભાગ લીધો હતો. હવે આ તમામ ઉમેદવારો પરિણામ જાહેર થવાની આતુરતાપૂર્વક રાહ જોઈ રહ્યા છે જે ટૂંક સમયમાં સમાપ્ત થઈ જશે. મીડિયા રિપોર્ટ્સ અનુસાર, SSC દ્વારા કોઈપણ સમયે પરિણામ જાહેર કરી શકાય છે. પરિણામ જાહેર થતાંની સાથે જ મેરિટ SSC GD કોન્સ્ટેબલ ફાઇનલ મેરિટ લિસ્ટની લિંક સત્તાવાર વેબસાઇટ ssc.gov.in પર એક્ટિવ થઈ જશે.

આ રીતે ડાઉનલોડ કરો તમારુ સ્કોર કાર્ડ

• SSC GD પરિણામ જાહેર થયા પછી, સ્કોરકાર્ડ ડાઉનલોડ કરવા માટે, ઉમેદવારોએ પ્રથમ સત્તાવાર વેબસાઇટ ssc.gov.in પર જવું પડશે.
• આ પછી વેબસાઇટના હોમ પેજ પર પરિણામ સંબંધિત લિંક પર ક્લિક કરવાનું રહેશે.
• હવે રજીસ્ટ્રેશન નંબર અને જન્મ તારીખ દાખલ કરવી પડશે અને સબમિટ કરવું પડશે.
• આ પછી તમારું સ્કોરકાર્ડ સ્ક્રીન પર ખુલશે જ્યાંથી તમે તેને ડાઉનલોડ કરી શકો છો.

અંતિમ કટઓફ પણ બહાર પાડવામાં આવશે

નોંધનીય છે કે, કોન્સ્ટેબલ જીડી પરિણામ સાથે, અંતિમ કટઓફ પણ SSC દ્વારા બહાર પાડવામાં આવશે. કેટેગરી અનુસાર કટઓફ અલગથી બહાર પાડવામાં આવશે. જે ઉમેદવારો નિશ્ચિત કટઓફ માર્કસ મેળવશે તેમને ખાલી જગ્યાઓ પર નિમણૂક આપવામાં આવશે.

વધુ વાંચો : બદલાઇ જશે ATMમાંથી કેશ ઉપાડવાના નિયમ, થવા જઇ રહ્યો છે આ ફેરફાર

અરજી પ્રક્રિયા 31 ડિસેમ્બર 2023 સુધી પૂર્ણ કરવામાં આવી હતી

આ ભરતી માટેની અરજી પ્રક્રિયા 24 નવેમ્બર 2023થી 31 ડિસેમ્બર 2023 સુધી પૂર્ણ કરવામાં આવી હતી. આ પછી, પરીક્ષા 20 ફેબ્રુઆરીથી 7 માર્ચ અને 30 માર્ચ 2024 સુધી લેવામાં આવી હતી. આ પછી, 23 સપ્ટેમ્બરથી 9 નવેમ્બર 2024 દરમિયાન ફિઝિકલ ટેસ્ટ અને DV ટેસ્ટ કરવામાં આવ્યું હતું.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ