કોલેજોની ફી ઘટાડાને લઇને મહત્વના સમાચાર સામે આવ્યા છે. સ્કૂલ બાદ કોલજ ફી ઘટાડા મામલે HCમાં અરજી થઈ હતી.
કોલેજોની ફી ઘટાડાને લઇને મહત્વના સમાચાર
સ્કૂલ બાદ કોલેજ ફી ઘટાડા મામલે HCમાં અરજી
ફી ઘટાડા અંગે સરકાર સ્ટેન્ડ ક્લિયર કરવા કોર્ટનો નિર્દેશ
રાજ્યમાં કોલેજોની ફી ઘટાડાને લઇને મહત્વના સમાચાર મળી રહ્યાં છે. કોરોનાની મહામારીમાં નોકરી-ધંધા ઠપ્પ થઈ ગયા છે ત્યારે શાળા કોલેજો બંધ રહી હતી અને તેમ છતાં ફી ચુકવવા અંગે કોલેજોમાં ફી ઘટાડાને લઈને ગુજરાત હાઈકોર્ટમાં અરજી થઈ હતી.
સ્કૂલ બાદ કોલેજ ફી ઘટાડા મામલે HCમાં અરજી કરવામાં આવી હતી. જેને લઇને ફી ઘટાડા અંગે સરકારને સ્ટેન્ડ ક્લિયર કરવા કોર્ટે નિર્દેશ કર્યો છે. શુક્રવાર સુધી સ્ટેન્ડ ક્લીયર કરવા નિર્દેશ કર્યો છે.
શું કહ્યુ સરકારે?
સરકાર દ્વારા કોર્ટમાં રજૂઆત કરવામાં આવી હતી. સરકારે કહ્યું કે ફી કમિટીએ 10 ટકા ફી ઘટાડો સૂચવ્યો છે. રાજ્ય સરકાર આગામી દિવસોમાં નિર્ણય લેશે. સરકારે ફી ઘટાડા અંગે હાઇકોર્ટમાં બાંહેધરી આપી છે.
ગુજરાતમાં કોરોનાની સ્થિતિ
ગુજરાતમાં કોરોનાની રફ્તાર દિવસેને દિવસે વધી રહી છે. રાજ્યમાં કોરોનાના એક્ટિવ કેસનો આંકડો 7 હજારને પાર કરી ગયો છે અને હાલ 7321 એક્ટિવ કેસ છે. જ્યારે 5 મહિના બાદ ગુજરાતમાં 1,580 કેસ છેલ્લા 24 કલાકમાં નોંધાયા છે. અગાઉ 28 નવેમ્બરે 1598 કેસ હતા. ગઈકાલે 1,565 કેસ નોઁધાયા હતા. જ્યારે 989 દર્દી સાજા થઈને ઘરે પરત ફર્યા છે. અમદાવાદ શહેરમાં 3, સુરત શહેરમાં 2 તથા વડોદરા અને ગાંધીનગરમાં 1-1 મળી કુલ 7 દર્દીના મોત સાથે મૃત્યુઆંક 4,450 થયો છે. 30 ડિસેમ્બર બાદ પહેલીવાર રાજ્યમાં મૃત્યુઆંક 7 થયો છે. 24 કલાકમાં રાજ્યના એક માત્ર બનાસકાંઠા જિલ્લામાં કોરોનાનો એકપણ કેસ નોંધાયો નથી.