ધોરણ 10 પરિણામ / સિદ્ધિ તેને જઇ વરે.... કલર કામ કરતા પિતાનો પુત્ર 99.99 ટકા PR સાથે બોર્ડમાં પ્રથમ

આજે ધોરણ 10નું પરિણામ જાહેર થયું જેમાં રાજકોટના એક વિદ્યાર્થીએ સૌ કોઇનું ધ્યાન ખેંચ્યું છે.. રાજકોટમાં ફર્નિચરનું કલરકામ કરતા પિતાના પુત્રએ મેદાન માર્યુ છે.. સમીર ગોહેલ નામના આ વિદ્યાર્થીએ 99.99 પર્સન્ટેઝ મેળવ્યા છે. ધોળકીયા સ્કૂલના આ વિદ્યાર્થીએ 600માંથી 593 ગુણ મેળવ્યા છે. તેણે સંસ્કૃતમાં , અંગ્રેજીમાં, સાયન્સમાં અને સોશિયલ સ્ટડીમાં 100માંથી 100 માર્ક મેળવ્યા છે.

સમીરે તેની સફળતા માટે પોતાની મહેનતની સાથે-સાથે સ્કૂલના શિક્ષકોનો સપોર્ટ પણ કારણભૂત ગણાવ્યો.. તેણે કહ્યું કે મને જેટલો મારા પર ભરોસો નહોતો તેટલો ભરોસો મારા શિક્ષકોને હતો..

તેણે આગળ અભ્યાસ માટે ધોળકીયા સ્કૂલમાં જ ભણવાનું અને સાયન્સ સાથે આગળ વધવાનું વિચાર્યુ છે તેનું સ્વપ્ન આઇઆઇટી બોમ્બેમાં અભ્યાસ કરવાનું હોવાનું તેણે જણાવ્યું.

સમીરની માતાએ કહ્યું રીઝલ્ટને લઇને એટલી આતુરતા હતી કે અમે ગઇકાલે આખી રાત નથી સૂઇ શક્યા અને હવે તેનુ રિઝલ્ટ જાણીને ખુબજ આનંદ થયો છે.. તેમણે કહ્યું કે સમીરની પાછળ અમે વાલી તરીકે ખુબજ ધ્યાન રાખ્યું છે અને તે સંપૂર્ણ ધ્યાન તેના અભ્યાસમાં પરોવી શકે તે વાતની સતત તકેદારી રાખી હતી.

આ પણ વાંચોઃ કચ્છ જિલ્લા માટે શિક્ષકોની સ્પેશિયલ ભરતી જાહેર કરાઇ, જાણી લો કઇ છે અરજીની ડેડલાઇન ?

સમીરના પિતાએ કહ્યું કે મે જીવનભર મહેનત કરી છે.. અને મજુરી કામ કરીને જ પુત્ર સમીરની ફી ભરી છે.. અને મજુરી કામમાં ઓવરટાઇમ કરીને સમીરના અભ્યાસમાં કોઇ કચાશ ન રહી જાય તે વાતનું ધ્યાન રાખ્યું હતું.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ