સ્કૂલી વિદ્યાર્થીઓના મેન્ટલ હેલ્થ માટે મોદી સરકારે એક ગાઈડલાઈન્સ બહાર પાડી રહી છે તેવું શિક્ષણ મંત્રી ધર્મેન્દ્ર પ્રધાને જણાવ્યું હતું.
સ્કૂલમાં ભણતાં છોકરાઓ માટે તૈયાર થઈ રહી છે મેન્ટલ હેલ્થ ગાઈડલાઈન્સ
વિદ્યાર્થીઓને માનસિક બીમારીઓમાંથી બચાવવાનો હેતુ
દેશભરની શૈક્ષણિક સંસ્થાઓમાં કોઈ ભેદભાવ ન હોવો જોઈએ- શિક્ષણ મંત્રી
દેશભરની સ્કૂલોમાં ભણતા વિદ્યાર્થીઓના માનસિક આરોગ્ય માટે મોદી સરકાર એક મહત્વનું કામ કરી રહી છે અને તેનો ખુલાસો કેન્દ્રીય શિક્ષણ પ્રધાન ધર્મેન્દ્ર પ્રધાને કર્યો છે. એક કાર્યક્રમમાં બોલતાં ધર્મેન્દ્ર પ્રધાને કહ્યું કે કેન્દ્રીય શિક્ષણ મંત્રાલય વિદ્યાર્થીઓની માનસિક અને ભાવનાત્મક સુખાકારીની સુરક્ષા માટે ગાઈડલાઈન્સનું એક વ્યાપક માળખું તૈયાર કરી રહ્યું છે.
Education ministry preparing comprehensive framework of guidelines to safeguard mental, emotional wellbeing of students: Dharmendra Pradhan
શૈક્ષણિક સંસ્થાઓમાં ભેદભાવ ન હોવો જોઈએ
ધર્મેન્દ્ર પ્રધાન ભારપૂર્વક જણાવ્યું હતું કે દેશભરની શૈક્ષણિક સંસ્થાઓમાં કોઈ પણ પ્રકારના ભેદભાવ માટે ઝીરો ટોલેરન્સની નીતિ હોવી જોઈએ.
વિદ્યાર્થીઓને જોખમ અથવા હુમલાથી વ્યાપક સુરક્ષાની ખાતરી આપશે
પ્રધાને જણાવ્યું હતું કે, "મંત્રાલય વિદ્યાર્થીઓની માનસિક અને ભાવનાત્મક સુખાકારીને સુરક્ષિત રાખવા માટે ઓપરેશનલ માર્ગદર્શિકાઓનું એક વ્યાપક માળખું તૈયાર કરી રહ્યું છે, જે શાળાથી લઈને ઉચ્ચ શિક્ષણ સંસ્થાઓને સંપૂર્ણપણે આવરી લેશે. આ માળખું સલામતીઓ અને વ્યવસ્થાઓને સંસ્થાગત સ્વરૂપ આપશે, જે વિદ્યાર્થીઓને ભૌતિક, સામાજિક, ભેદભાવપૂર્ણ, સાંસ્કૃતિક અને ભાષાકીય કોઈ પણ પ્રકારના જોખમ અથવા હુમલાથી વ્યાપક સુરક્ષાની ખાતરી આપી શકશે. તેમણે કહ્યું કે આને કારણે વિદ્યાર્થીઓની માનસિક તકલીફ અટકી જશે, આ માનસિક તકલીફને કારણે જ બાળકોમાં સ્વ ઈજા અથવા આપઘાતની લાગણી પ્રબળ બને છે.
There should be zero-tolerance for discrimination in educational institutions across country: Union Education Minister Dharmendra Pradhan
શિક્ષણ મંત્રીએ ઉચ્ચ-સ્તરીય સમીક્ષા બેઠકની અધ્યક્ષતા કરી
પ્રધાને સોમવારે વિદ્યાર્થીઓની માનસિક સુખાકારી પર ધ્યાન કેન્દ્રિત કરતી એક ઉચ્ચ-સ્તરીય સમીક્ષા બેઠકની અધ્યક્ષતા કરી હતી અને તેમાં શાળા અને ઉચ્ચ શિક્ષણ વિભાગ, સેન્ટ્રલ બોર્ડ ઓફ સેકન્ડરી એજ્યુકેશન (સીબીએસઇ), ઓલ ઇન્ડિયા કાઉન્સિલ ફોર ટેકનિકલ એજ્યુકેશન (એઆઇસીટીઇ) અને યુનિવર્સિટી ગ્રાન્ટ્સ કમિશન (યુજીસી) ના વરિષ્ઠ અધિકારીઓ ઉપસ્થિત રહ્યા હતા.