IPLIN
 

V-Expo 2020 / VTVના વર્ચ્યુઅલ ઍજ્યુકેશન એક્સ્પોનું શિક્ષણમંત્રી ચુડાસમાએ કર્યુ ઉદ્ઘાટન, કહ્યું આ નવતર પ્રયોગે નવી દિશા આપી

Team VTV 02:12 PM, 07 Aug 20 | Updated: 03:22 PM, 07 Aug 20
Follow us
Education Minister BhupendraSinh Chudasma inaugurates VTV V Education Expo

શિક્ષણ જગતને લગતી સમસ્યાઓનું સમાધાન લાવવા માટે VTV દ્વારા વર્ચ્યુઅલ એજ્યુકેશન એક્સપોનું આયોજન કરવામાં આવ્યું છે. જેનું ઉદ્ઘાટન આજે શિક્ષણમંત્રી ભુપેન્દ્રસિંહ ચુડાસમાના હસ્તે કરવામાં આવ્યું છે. આ ઓનલાઇન ઍક્સ્પોને મંત્રી ચુડાસમાએ નવી રાહ ગણાવી છે.

  • VTV વર્ચ્યુઅલ એક્સ્પોની શુભ શરૂઆત 
  • શિક્ષણમંત્રીએ ચુડાસમાએ ઉદ્ઘાટન કરી કહ્યું, સરકાર પણ ડિજીટલ શિક્ષણમાં કાર્યરત
  • વર્ચ્યુઅલ એજ્યુકેશન એક્સપો VTVનો નવો ઇનોવેટિવ પ્રયાસ : નીરજ અત્રી 

VTVએ વર્ચ્યુઅલ એક્સ્પો કરીને એક નવી દિશા આપી : શિક્ષણમંત્રી 

વર્ચ્યુઅલ એક્સ્પોના ઉદ્ઘાટન સમયે રાજ્યના શિક્ષણમંત્રી ભુપેન્દ્રસિંહ ચુડાસમાએ આ એક્સ્પોને એક નવી રાહ ગણાવી છે. તેમણે કહ્યું કે કોરોના વાયરસના કારણે ફિઝિકલને બદલે વર્ચ્યુઅલ એક્સ્પોની ફરજ પડી છે અને એવામાં VTVએ વર્ચ્યુઅલ એક્સ્પો કરીને એક નવી દિશા આપી છે. ભૂપેન્દ્રસિંહ ચુડાસમાએ વધુમાં કહ્યું કે રાજ્ય સરકાર સતત ડિજીટલ શિક્ષણમાં કાર્યરત છે અને હવે જમાનો ડિજીટલ પ્લેટફોર્મનો છે. તેમણે કહ્યું હતું કે પીએમ મોદીએ પણ હંમેશા ડિઝિટલાઇઝેશનની વાત કરી છે ત્યારે આ નવતર પ્રયોગથી વિદ્યાર્થીઓને અને વાલીઓને ફાયદો થશે.

શિક્ષણમંત્રી ચુડાસમાએ કહ્યું હતું કે ગુજરાત સરકાર પણ લૉકડાઉન અને કોરોનાકાળમાં વિદ્યાર્થીઓના ભણતર અને કારકિર્દી માટે ઑનલાઈન બનતા પ્રયાસો કરી રહી છે. તેવામાં VTVએ પણ ઑનલાઈન આવા ઍક્સ્પોનો પ્રયોગ કરીને એક નવી રાહ ચીંધી છે. 

VTVનો નવો ઇનોવેટિવ પ્રયાસ : નીરજ અત્રી 

એક્સ્પોના ઉદ્ઘાટન પ્રસંગે VTVના CEO નીરજ અત્રીએ પણ આ એક્સ્પોને નવી શરૂઆત ગણાવી. તેમણે કહ્યું કે કોરોના વાયરસના કારણે શિક્ષણ પર સૌથી વધારે અસર પડી છે. એવામાં વર્ચ્યુઅલ એજ્યુકેશન એક્સપો VTVનો નવો ઇનોવેટિવ પ્રયાસ છે. આ એક્સ્પોથી વિદ્યાર્થીઓને ઘેર બેઠા માહિતીઓ અને પ્રવેશ મળી શકશે. 

VTVના CEO નિરજ અત્રી 

શું છે આ એક્સ્પો 

શિક્ષણને લગતા મૂંઝવતા સવાલોના સમાધાન માટે વિદ્યાર્થીઓ યુનિવર્સિટીની માહિતીઓ મેળવી શકે તે ઉદ્દેશથી આ એક્સ્પોનું આયોજન કરવામાં આવ્યું છે. આ એજ્યુકેશન એક્સ્પો 7 ઓગસ્ટથી 9 ઓગસ્ટ સુધી ચાલશે. જેમાં ઓનલાઈન સ્ટોલ પરથી જ જુદી જુદી યુનિ.ની માહિતિ મેળવી શકાશે. વિદ્યાર્થીઓ માટે ઓનલાઈન એડમીશન માટે આ એક્સ્પો કે સોનેરી તક સમાન છે. આ વર્ચ્યુઅલ ઍક્સ્પોમાં તમે જુદી જુદી સંસ્થાઓના પેજ પર જઈને અલગ અલગ પોઈન્ટ્સ પર ક્લિક કરીને જોઈતી માહિતી કે વીડિયો જોઈ શકો છો. જેના આધારે તમે તમારી કારકિર્દીને લગતી તમામ ઉપયોગી માહિતી ઘરે બેઠાં મેળવી શકો છો તેમ જ તમે ઓનલાઈન રજિસ્ટ્રેશન પણ કરાવી શકો છો. 

વર્ચ્યુઅલ ઍક્સ્પોની ઝલક, જ્યાં તમે ક્લિક કરીને અલગ અલગ માહિતી અને વીડિયો જોઈ શકો છો

આ વર્ચ્યુઅલ ઍક્સ્પોને વિઝિટ કરવા માટે https://www.vtvgujarati.com/v-education-expo પર ક્લિક કરો શકો છો.

 

VTV V Education Expo virtual expo Education BhupendraSinh Chudasma education minister વર્ચ્યુઅલ ઍજ્યુકેશન એક્સ્પો
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ