NRI / જો તમારી પણ વાર્ષિક આવક છે આટલા રૂપિયા? તો USમાં રહેવા-જમવાનું ફ્રી, જાણો સ્કીમ

હાર્વર્ડ યુનિવર્સિટીમાં એડમિશન મેળવવું તે ઘણા પડકારોથી ભરેલું છે. આઇવી લીગ કોલેજોમાં ગણાતી હાર્વર્ડ યુનિવર્સિટીમાં એડમિશન માટે ખૂબ સ્પર્ધા છે. જો કોઈક રીતે અહીંયા એડમિશન મળી જાય તો પણ તે પ્રાઈવેટ સંસ્થા હોવાથી દરેક વ્યક્તિ માટે ફી ચૂકવવી શક્ય નથી. પરંતુ હવે હાર્વર્ડે નિર્ણય લીધો છે કે તે તેના વિદ્યાર્થીઓને મફતમાં ભણાવશે. હાર્વર્ડે વિદ્યાર્થીઓને તેમના પરિવારની આવકના આધારે મફત શિક્ષણ આપવાનો નિર્ણય લીધો છે. ચાલો તેને વિગતવાર સમજીએ.

• વાર્ષિક આવક 1.73 કરોડ રૂપિયાથી ઓછી હોય તો કોઈ ફી ચૂકવવી નહીં પડે

શૈક્ષણિક વર્ષ 2025-26 થી હાર્વર્ડ યુનિવર્સિટીમાં અંડરગ્રેજ્યુએટ કોર્સનો અભ્યાસ કરવા માટે કોઈ ફી નહીં રહે. આ સુવિધા એવા વિદ્યાર્થીઓ માટે ઉપલબ્ધ રહેશે જેમના પરિવારની વાર્ષિક આવક 1.73 કરોડ રૂપિયા કે તેથી ઓછી છે. તે શ્રેણીમાં આવતા વિદ્યાર્થીઓએ એડમિશન દરમિયાન કોઈ ટ્યુશન ફી ચૂકવવાની જરૂર નથી. પણ તેમને હોસ્ટેલ ફી, ભોજન ખર્ચ અને આરોગ્ય વીમા જેવી બાબતોનો ખર્ચ ખુદ ઉઠાવવો પડશે.

• વાર્ષિક આવક 86 લાખ રૂપિયાથી ઓછી હોય તો શિક્ષણ સંપૂર્ણ ફ્રી

તો જે વિદ્યાર્થીઓના પરિવારની વાર્ષિક આવક 86.52 લાખ રૂપિયા કે તેથી ઓછી હશે તેમને હાર્વર્ડ યુનિવર્સિટીમાં સંપૂર્ણ મફતમાં અભ્યાસ કરવાનો મોકો મળશે. હાર્વર્ડ તેમના સ્વાસ્થ્ય વીમાનો ખર્ચ પણ ચૂકવશે. આ સિવાય રહેવા અને ખાવાનો ખર્ચ પણ યુનિવર્સિટી દ્વારા ઉઠાવવામાં આવશે. એટલું જ નહીં પરંતુ વિદ્યાર્થીની શાળાથી કોલેજ સુધીની સફર દરમિયાન, તેમની 1.73 લાખ રૂપિયાની સ્ટાર્ટ-અપ ગ્રાન્ટ પણ આપવામાં આવશે.

• યુનિવર્સિટીએ શું કહ્યું?
  "હાર્વર્ડ ફેકલ્ટી ઓફ આર્ટ્સ એન્ડ સાયન્સિસના ડીન હોપી હોકેસ્ટ્રાએ એક નિવેદનમાં જણાવ્યું કે, હાર્વર્ડ લાંબા સમયથી સૌથી પ્રતિભાશાળી વિદ્યાર્થીઓ માટે તેમના દરવાજા ખોલવાનો પ્રયાસ કરી રહ્યું છે, ચાહે તેમની નાણાકીય પરિસ્થિતિ ગમે તે હોય. નાણાકીય સહાયમાં આ રોકાણનો ઉદ્દેશ્ય દરેક પ્રવેશ મેળવનાર વિદ્યાર્થી માટે હાર્વર્ડ કોલેજ શિક્ષણ શક્ય બનાવવાનો છે જેથી તેઓ અભ્યાસના તેમના સપના પૂરા કરી શકે અને આપણા ભવિષ્ય પર સકારાત્મક અસર કરી શકે."

• હાર્વર્ડ યુનિવર્સિટીમાં ટ્યુશન ફી કેટલી?
  હાર્વર્ડ અમેરિકાની સૌથી મોંઘી યુનિવર્સિટીઓમાં ગણાય છે. શૈક્ષણિક વર્ષ 2024-25માં અહીં સરેરાશ ટ્યુશન ફી 49 લાખ રૂપિયા હતી. જો તેમાં રહેવા અને ખાવા-પીવાનો ખર્ચ પણ સામેલ કરવામાં આવે, તો હાર્વર્ડ યુનિવર્સિટીમાંથી સ્નાતક થવા માટે સરેરાશ એક વિદ્યાર્થીને 71 લાખ રૂપિયાથી વધુ ખર્ચ કરવો પડે છે. ઉલ્લેખનીય છે કે, અમેરિકામાં ગ્રેજ્યુએશન ચાર વર્ષનું હોય છે.

વધુ વાંચો : આ દેશમાં ભારતીયોને અભ્યાસ કરવા મળશે દોઢ કરોડની સ્કોલરશીપ, આ રીતે કરો એપ્લાય, શરતો લાગુ

• અમેરિકામાં પરિવારની આવક કેટલી ?
  USની વસ્તી ગણતરી મુજબ 2023 માં યુએસમાં વાસ્તવિક સરેરાશ આવક 69 લાખ રૂપિયા હતી. જેમાં ઘણા પરિવારો હાર્વર્ડ યુનિવર્સિટીની મફત શિક્ષણ યોજનાના દાયરામાં આવવાના છે. અમેરિકામાં કેટલાક પરિવારો એવા છે જેમની આવક સરેરાશ પરિવારની આવક કરતા ઓછી છે. આ પરિવારોના વિદ્યાર્થીઓને હવે આઇવી લીગ સંસ્થાઓમાં અભ્યાસ કરવાની તક પણ મળશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ