ઈન્ડસ્ટ્રી બોડી સાલ્વેન્ટ એક્સ્ટ્રેક્ટર્સ એસોસિએશન એટલે કે એસઈએના જણાવ્યા અનુસાર, આવનાર મહિનામાં તેલીબિયાંના વધુ ઘરેલુ પ્રોડક્શન અને ગ્લોબલ માર્કેટમાં મંદીના કારણે એડિબલ ઓઈલના ભાવ ઘટશે.
તેલના ભાવમાં થઈ શકે ઘટાડો
Import Dutiesમાં ઘટાડો
3થી 4 રૂપિયા પ્રતિ કિલો ઘટી શકે ભાવ
ખાવાના તેલમાં એટલે કે એડિબલ ઓઈલના (Edible Oil) ભાવમાં પાછલા અમુક દિવસોમાં ઘટાડો જોવા મળ્યો હતો. હકીકતે Import Dutiesમાં ઘટાડાના કારણે ખાવાના તેલની કિંમતોમાં પાછલા એક મહિનામાં 8-10 રૂપિયા પ્રતિ કિલોનો ઘટાડો આવ્યો છે. ઈન્ડસ્ટ્રી બોડી સાલ્વેન્ટ એક્સ્ટ્રેક્ટર્સ એસોશિએશન એટલે કે એસઈએના જણાવ્યા અનુસાર આવનાર મહિનામાં તેલીબિયાંના વધુ ઘરેલુ પ્રોડક્શન અને ગ્લોબલ માર્કેટમાં મંદીના વલણને જોતા એડિબલ ઓઈલના ભાવ 3-4 રૂપિયા પ્રતિ કિલો અને નીચે આવી શકે છે.
એસઈએના પ્રેસિડેન્ટ અતુલ ચતુર્વેદીએ જણાવ્યું, 'પામ, સોયા અને સુરજમુખી જેવા દરેક તેલોની ખૂબ જ ઉંચી આંતરરાષ્ટ્રીય કીમતોના કારણે પાછલા અમુક મહિનામાં ભારતીય ખાદ્ય તેલ કન્જ્યુમર માટે ખૂબ જ મુશ્કેલી ભર્યો છે. એસઈએના દિવાળી પહેલા પોતાના સદસ્યોની કિંમતોને યથાસંભવ ઓછી કરવાની સલાહ આપવામાં આવી હતી. તેમણે કહ્યું કે કેન્દ્રએ ખાદ્ય તેલો પર આયાતનો ભાવ પણ ઓછો કરી દીધો છે. અમને આ વાતની પુષ્ટ કરતા ખુશી થાય છે કે ઘણા ઉપાયોના કારમે પાછલા 30 દિવસમાં ખાદ્ય તેલની કિંમતોમાં લગભગ 8-10 રૂપિયા પ્રતિ કિલોગ્રામની કમી આવી છે.'
3થી 4 રૂપિયા પ્રતિ કિલો સુધી ગગડી શકે છે ભાવ
એસઈએનું કહેવું છે કે સદસ્ય ઉપભોક્તાઓને ઓછી કિંમતોના લાભ આપવા માટે પહેલા પણ પગલાં ભરવામાં આવ્યા હતા. ચતિર્વેદીએ કહ્યું કે તેમના સદસ્યોએ તેલના ઓછા ખર્ચનો લાભ ઉપભોક્તાઓ સુધી પહોંચે તેની સહમતિ દર્શાવી હતી. અમને લાગે છે કે અમારા સદસ્યો દ્વારા નજીકના ભવિષ્યમાં કિંમતોમાં લગભગ 3-4 પ્રતિ કિલોગ્રામનો વધુ ઘટાડો આવશે. તેનાથી અમારા ખાધ્ય તેલ ઉપભોક્તાઓને ફેસ્ટવ સીઝન વખતે રાહત મળવી જોઈએ.