તમારા કામનું / સસ્તું થશે ખાદ્ય તેલ, હવેથી દેશભરમાં ભાવ પણ એકસરખા, સરકારે કંપનીઓને આપ્યા મોટા આદેશ

• વૈશ્વિક બજારમાં ખાદ્યતેલના ભાવમાં ઘટાડો
• ખાદ્યતેલમાં 10 રૂપિયા સુધીનો થઈ શકે ઘટાડો 
• સરકારે કંપનીઓને આપ્યા આ આદેશ 

સરકાર ખાદ્યતેલના ભાવ ઘટાડવા માટે સતત પ્રયાસ કરી રહી છે. ગયા મહિને ભાવમાં 10-15 રૂપિયા પ્રતિ લીટરનો ઘટાડો કર્યા બાદ હવે તેમાં ફરી 10 રૂપિયાનો ઘટાડો થશે. આ અંગે સરકારે ખાદ્યતેલ કંપનીઓને સ્પષ્ટ સૂચના આપી છે.

અગાઉ વૈશ્વિક બજારમાં કિંમતો વધારવાનું દબાણ હતું. જેના કારણે છેલ્લા કેટલાક મહિનામાં ખાદ્યતેલોના ભાવ આસમાને પહોંચ્યા હતા. હવે વૈશ્વિક બજારમાં પામ સહિત અન્ય ખાદ્યતેલોના ભાવમાં મોટો ઘટાડો થયો છે. જે બાદ સરકારે કંપનીઓને રિટેલ માર્કેટમાં પણ ભાવ ઘટાડવા કહ્યું છે. એવું માનવામાં આવે છે કે આગામી સપ્તાહ સુધીમાં ખાદ્યતેલના ભાવ 10 રૂપિયા પ્રતિ લિટર સુધી સસ્તું થઈ જશે.

સમગ્ર દેશમાં ઉત્પાદનોની સમાન કિંમત
ખાદ્ય સચિવ સુધાંશુ પાંડેએ ખાદ્ય તેલ કંપનીઓ સાથેની બેઠકમાં જણાવ્યું હતું કે વૈશ્વિક બજારમાં પામ ઓઈલ સહિત અન્ય ખાદ્યતેલોના ભાવમાં મોટો ઘટાડો થયો છે. તેનો લાભ ગ્રાહકોને પણ મળવો જોઈએ. તેથી તમારે ખાદ્ય તેલના છૂટક ભાવમાં પણ ટૂંક સમયમાં ઘટાડો કરવો જોઈએ.

પાંડેએ કંપનીઓને પણ સૂચના આપી હતી કે ખાદ્યતેલની કિંમત સમગ્ર દેશમાં એકસમાન હોવી જોઈએ. તેમણે કહ્યું કે જ્યારે GSTના દર સમાન હોય છે, તો ઉત્પાદનોની MRP પણ સમાન હોવી જોઈએ. ભારત તેના 60 ટકા ખાદ્ય તેલની આયાત કરે છે, તેથી વૈશ્વિક બજારમાં કિંમતોમાં વધારાને કારણે સ્થાનિક બજાર પર પણ દબાણ હતું.

ટૂંક સમયમાં સસ્તા થશે આ ખાદ્યતેલ 
ખાદ્ય સચિવે કહ્યું કે અમે કંપનીઓને સ્પષ્ટપણે કહી દીધું છે કે એક સપ્તાહની અંદર વૈશ્વિક બજારમાં તેલની કિંમતમાં 10 ટકાનો ઘટાડો થયો છે. તેનો લાભ ગ્રાહકો સુધી પહોંચવો જોઈએ. આ પછી તમામ મોટી ઓઈલ કંપનીઓએ આવતા સપ્તાહ સુધીમાં ભાવમાં 10 રૂપિયાનો ઘટાડો કરવાનું આશ્વાસન આપ્યું છે. 

આ પછી પામ ઓઈલ, સોયાબીન અને સનફ્લાવર ઓઈલ જેવા તમામ આયાતી ખાદ્યતેલોના ભાવ ઘટશે. તેમણે કહ્યું કે એકવાર આ ખાદ્યતેલોના ભાવ ઘટશે તો અન્ય તેલ પણ સસ્તા થશે.