દિલ્હી અને ઉત્તરપ્રદેશના અન્સારીના 11 ઠેકાણાઓ પર EDના દરોડા, અન્સારીના સીએ અને પરિવારજનો સહીત કેટલાક સહયોગીઓને ત્યાં પણ તપાસ
બાહુબલી નેતા મુખ્તાર અન્સારીના ઠેકાણાઓ પર હવે EDની કાર્યવાહી
દિલ્હી અને ઉત્તરપ્રદેશના અન્સારીના 11 ઠેકાણાઓ પર EDના દરોડા
અન્સારીના સીએ અને પરિવારજનો સહીત કેટલાક સહયોગીઓને ત્યાં પણ તપાસ
ઉત્તર પ્રદેશના બાહુબલી નેતા મુખ્તાર અન્સારીના ઠેકાણાઓ પર હવે EDની કાર્યવાહી શરૂ કરવામાં આવી હોઇ ED દ્વારા દરોડા પાડવામાં આવી રહ્યા છે. EDની આ કાર્યવાહી દિલ્હી અને ઉત્તરપ્રદેશના મુખ્તાર અન્સારીના 11 ઠેકાણાઓ પર ચાલી રહી છે. જાણકારી મુજબ આ કાર્યવાહી મુખ્તાર અન્સારીના સીએ અને પરિવારજનો સહીત કેટલાક સહયોગીઓને ત્યાં ચાલી રહી છે.
ઉત્તર પ્રદેશમાં લખનૌથી EDની ટીમ મુખ્તાર અન્સારીના ગાઝીપુરના મોહમ્મદબાદ સ્થિત ઘરે પહોંચી છે. આ ઉપરાંત ટાઉન હોલમાં ખાન બસ સર્વિસના માલિક, સોનાના વેપારી વિક્રમ અગ્રહરી અને પ્રોપર્ટી ડીલર ગણેશ દત્ત મિશ્રા પર પણ દરોડા પાડવામાં આવ્યા છે. ગણેશ દત્ત મિશ્રા, વિક્રમ અગ્રહરી અને મુસ્તાક ખાન મુખ્તાર અંસારીની નજીક છે. EDની ટીમે પોલીસ ફોર્સની સાથે તમામના ઘરને ઘેરી લીધા છે.
વિગતો મુજબ માફિયા મુખ્તાર અંસારીની મુશ્કેલીઓ વધુ વધી શકે છે. સાંસદ-ધારાસભ્ય કોર્ટે સંપત્તિના કેસમાં તેમની સામે આરોપો પણ ઘડ્યા છે. હવે આ મામલામાં આગામી સુનાવણી 29 ઓગસ્ટે થશે. બુધવારે હાથ ધરાયેલી સુનાવણી દરમ્યાન સાંસદ-ધારાસભ્ય કોર્ટે અંસારી વિરુદ્ધ આરોપો ઘડ્યા છે. અદાલતે તેમની સામે દુશ્મન સંપત્તિના કેસમાં આરોપો ઘડ્યા છે. કોર્ટે મુખ્તારને કોર્ટમાં વ્યક્તિગત હાજરી પર આરોપોની સહી કરેલી નકલ આપવાનો પણ નિર્દેશ કર્યો છે.
Enforcement Directorate (ED) is conducting raids on BSP MP and his brother Mukhtar Ansari in a money laundering case. 11 locations have been covered in this search. pic.twitter.com/kI8uOA1hev
આ આખો મામલો હઝરતગંજના દાલીબાગનો છે. જ્યાં લેખપાલે મુખ્તાર અને તેના પુત્રો અબ્બાસ અંસારી અને ઉમર અંસારી વિરુદ્ધ સંપત્તિના કેસમાં કેસ દાખલ કર્યો હતો. આ કેસમાં લેખપાલે છેતરપિંડીની કલમો હેઠળ એફઆઈઆર નોંધાવી હતી. આ સિવાય લખનઉ પોલીસ મુખ્તારના પુત્ર અબ્બાસને શોધી રહી છે. આ માટે લખનૌ કમિશનરેટ દ્વારા આઠ ટીમો તૈનાત કરવામાં આવી છે. જ્યારે કોર્ટ દ્વારા પોલીસને 25 ઓગસ્ટ સુધીનો સમય આપવામાં આવ્યો છે. પોલીસ તેની ધરપકડ માટે ઘણી જગ્યાએ દરોડા પણ કરી રહી છે. અબ્બાસ અંસારીની શોધમાં લખનૌ કમિશનરેટ પાસે 84 પોલીસકર્મીઓની કુલ આઠ ટીમો છે.